Bracton: Thorne Edition: Latin. Volume 4, Page 96

Harvard Law School Library

Bracton Online -- Latin

Volume 4, Page 96

Next

Go to Volume: Page:

[001] primo die simul essoniati fuerint de malo veniendi, et ad alium diem
[002] compareat uxor et vir essoniatus fuerit de malo lecti, et ad diem datum
[003] cum essoniatus visus fuerit testatum fuerit per¹⁴ milites¹⁵ quod sit malum
[004] transiens, et uxor eodem die se essoniaverit de malo lecti, quæritur an
[005] sit essonium allocandum immediate post apparitionem cum semel in curia
[006] comparuerit¹⁶ post essonium de malo veniendi; et allocandum non erit
[007] quia essonium de malo lecti semper sequitur essonium de malo veniendi
[008] immediate, et¹⁷ de apparitione tempore medio tollitur¹⁸ omnino essonium
[009] de malo lecti, et per aliud essonium immediate, sicut de servitio domini
[010] regis, si præcedat essonium de malo lecti, vel si aliud intervenerit illud
[011] idem erit dicendum. Post essonium vero de malo lecti numquam iacebit
[012] f.346b] essonium de malo veniendi de tempore præterito, et non nisi
[013] summonita fuerit loquela et posita coram iustitiariis itinerantibus,
[014] quasi ex nova summonitione vel nova resummonitione post iter iustitiariorum,
[015] cum quis ad ultimum diem essoniatus fuerit in banco et languor ei
[016] adiudicatus non fuerit, et licentiam habuerit surgendi occasione itineris
[017] iustitiariorum. Item esto quod vir essoniatus fuerit de malo lecti et milites
[018] forte ad diem datum non venerint, et uxor se essoniaverit de malo veniendi
[019] et diem habuerit per essoniatorem suum, et milites attachiati fuerint
[020] et eundem diem habuerint, ad quem si milites non venerint oportet
[021] quod uxor compareat, et si defaltam fecerit defalta sua erit utrique damnosa,
[022] ita quod uterque amittet per defaltam unius quicumque illorum defaltam
[023] fecerit, quia res sive tenementa uxoris non recipiunt divisionem
[024] sicut inter coheredes et participes. De hac materia inveniri poterit de
[025] termino Sancti Hillarii anno regis Henrici octavo comitatu Devoniæ,
[026] de Thoma de Tingelande.¹⁹ Si autem bis se essoniaverit, tunc observetur
[027] ut supra dictum est. <Et oportet quod compareat ad omnes dies sine
[028] essonio donec visus factus fuerit de viro suo postquam semel habuerit
[029] essonium de malo veniendi, quia plura habere non poterit antequam simul
[030] compareant vir et uxor: et idem dicatur de viro cum uxor essoniata fuerit
[031] de malo lecti.> Item cum quis plures warantos vocaverit sive sit tenens
[032] unus sive plures, si tale sit placitum et tale breve quod sequi debeant²⁰
[033] essonia de malo lecti, tunc videndum erit utrum tenentes qui warantum
[034] vocaverint languorem habuerint, quidam vel omnes, vel non. Si autem
[035] languorem habuerint, waranti languorem non habebunt. Tenentes vero
[036] essonium habebunt de malo lecti donec waranti warantizaverint, et
[037] waranti nullum antequam warantizaverint. Cum autem warantizaverint,

Notes

14-15. Om., OB, MA, MB; p. quatuor m., OC, MG.

16. apparuerit, MC, LA.

17. Om., OC, MG.

18. Om., OC, MG.

19. Tungelande, Gungelande, Gundolond., Gundelonde, Gundelaunde, Tingilhange, Tingilhand., MSS var.

20. debent, OA, CE.