Bracton: Thorne Edition: Latin. Volume 4, Page 95

Harvard Law School Library

Bracton Online -- Latin

Volume 4, Page 95

Next

Go to Volume: Page:

[001] Sancto Edmundo et Oliva filia Andreæ. Sed cum omnes comparuerint in
[002] curia et ita quod nullus sine alio velit respondere, tunc aliud erit ut¹ in
[003] primo casu: ita quod ex necessitate possit quis habere duo essonia de
[004] malo veniendi.

Ubi quis habere possit duo essonia de malo veniendi simul propter necessitatem.

[006] ESTO quod quis implacitatus fuerit ex² diversis placitis, et in uno eorundem
[007] fuerit ei languor adiudicatus et in alio placito se semel essoniaverit de
[008] malo veniendi et diem habuerit, et ad quem venire non possit nec mittere
[009] cum³ attornatum non fecerit ne sequatur essonium de malo lecti. Si se
[010] iterum essoniaverit de malo veniendi, aut de necessitate allocabitur ei
[011] essonium de consilio curiæ, vel suspendetur processus illius loquelæ
[012] quousque essoniatus comparere possit post languorem, et non procedetur
[013] ad defaltam. Ut de termino Paschæ anno regis Henrici sexto decimo
[014] comitatu Norfolciæ, de Galfrido filio Baldewini. Item quod⁴ non proceditur⁵
[015] ad defaltam in uno placito propter essonium de malo lecti in alio,
[016] inveniri poterit de termino Sancti Michælis anno regis Henrici quinto
[017] decimo incipiente sexto decimo comitatu⁶ Middelsexiæ, de Gilberto de
[018] Hendone. Et hoc maxime si placitum emerserit post languorem adiudicatum.
[019] Idem⁷ erit si languidus post languorem adiudicatum⁸ vocatus fuerit
[020] ad warantum secundum quod evenit⁹ de prædicto Galfrido. Item quod
[021] allocari debeat essonium in prædicto casu quod alias non esset licitum,
[022] probatur de termino Sancti Michælis anno regis Henrici sexto incipiente
[023] septimo comitatu Norfolciæ, de Ermvarda¹⁰ de Pottote¹¹ et quodam Iohanne
[024] qui se essoniavit versus eam de malo veniendi de uno placito, et
[025] cui fuit languor adiudicatus in alio placito, et quamvis essonium de malo
[026] veniendi non iaceret, fuit tamen ei allocatum de consilio curiæ propter
[027] necessitatem, quia honestius fuit essonium allocare ex causa quam procedere
[028] ad defaltam, cum essoniatus non esset in culpa.

Si vir et uxor se simul essoniaverint de malo lecti.

[030] SI vir¹² et uxor se simul essoniaverint primo¹³ de malo veniendi, poterunt
[031] se simul essoniare de malo lecti ad alium diem si voluerint et simul habere
[032] languorem, sed non erunt ibi plures languores sed unus propter iuris
[033] unitatem. Item poterunt se vicissim essoniare si voluerint tam de malo
[034] veniendi quam de malo lecti, et secundum quod supra dictum est, donec
[035] habuerint languorem ambo simul vel alter eorum per se. Sed cum ambo

Notes

1. Om., MC, LA.

2. de, V, MG; om., OC.

3. nec, OB, MA, MB.

4. Om., OC, MG.

5. procedatur, OC, MG; procedetur, CM.

6. in com., OA, OB, CE, Y.

7. Item, OA, MC, LA.

7-8. Om., MG; si, OC.

9. evenerit, OC, MG.

10. Erinvardia, Ermeiarde, Ermegarda, Ermearda, Ermiarda, MSS var.

11. Poctate, Potcote, Poctete, Ponte, Pontote, MSS. var.

12. cum vir, OB, MA, MB.

13. Om., OB, MA, MB, Y.