Bracton: Thorne Edition: Latin. Volume 4, Page 83

Harvard Law School Library

Bracton Online -- Latin

Volume 4, Page 83

Next

Go to Volume: Page:

[001] iacet post defaltam postquam terra capta fuerit in manum domini regis.
[002] <Item non iacet ubi ex virtute mandati non imponitur²⁶ necessitas vocato
[003] veniendi nisi ad voluntatem suam, ut si dicatur quod veniat si viderit sibi
[004] expedire²⁷. Item non iacet si mandetur vel præcipiatur vicecomiti vel
[005] ballivo, maiori vel præposito villæ vel burgi vel civitatis quod veniat
[006] redditurus compotum vel responsurus de tempore suo, quia ibi nullum
[007] f.341b] placitum nec aliqua controversia.> Item quis? Et sciendum
[008] quod tam plures tenentes quam unus. Et tunc refert utrum plures tenentes
[009] in uno brevi tenuerint in communi simul et pro indiviso, vel separatim et
[010] pro diviso, partita inter coheredes hereditate. Si autem simul et pro
[011] indiviso, quilibet eorum unicum habebit essonium si voluerit de malo
[012] veniendi simul et eodem die vel vicissim diversis²⁸ diebus secundum quod
[013] elegerint, donec quilibet eorum unicum habeat essonium, quia plura non
[014] habebunt antequam²⁹ simul comparuerint, licet³⁰ illi qui primo fuerint
[015] essoniati sæpius compareant, quia semper diem habebunt quousque
[016] omnes simul comparuerint³¹, quia ad omnem apparitionem non sequitur
[017] essonium, quod si esset, ita fierent dilationes immortales. Si autem antequam
[018] compareant unus moriatur ex pluribus tenentibus in communi cadit
[019] breve, licet videatur contrarium, cum pars sua accrescat superstitibus per
[020] ius accrescendi, quia re vera die impetrationis partem illam non
[021] tenuerunt³², nec quantum ad partem illam tenendam in communi subfuit
[022] causa impetrandi. Si autem partita sit hereditas inter plures et unus tantum
[023] de parte sua fuerit implacitatus, unicum habebit essonium antequam
[024] comparuerit si voluerit, et in persona sua quantum ad partem illam
[025] terminabitur negotium, nisi ita sit quod sic respondeat quod³³ sine participibus
[026] suis non debeat respondere. Et quo casu summonendi sunt
[027] participes quod sint ad respondendum cum eo et sine quibus etcetera. Et
[028] etiam quo³⁴ casu quilibet³⁵ ex participibus qui dicuntur participes unicum
[029] habebit essonium ante apparitionem, sed non quasi unus heres, et vicissim,
[030] donec constiterit eos esse participes. Et cum præsentes fuerint omnes et
[031] dedicere non possint³⁶ quin sint participes, extunc erunt quasi unus heres.
[032] Divisio enim hereditatis facit unitatem iuris esse plures³⁷ et per hoc
[033] heredes plures³⁸. Defensio enim omnium revocat unitatem iuris, et sic
[034] iterum facit communis defensio plures personas quasi unum corpus et
[035] unum heredem propter iuris unionem³⁹, quia si tenens amiserit omnes

Notes

26. Om., OC, MG.

27. expedire. Item non iacet ex virtute mandati, scilicet ad volutatem mandantis. Et dicat in curia quod velit placitare, V.

28. et d., OB, MA, MB.

29. a. omnes, OB, MA, MB.

30-31. Om., OB, MA, MB.

32. tenuerint, OC, MC; tenuerit; MG.

33. quia, OC, MG.

34. in quo, OC, MG, CM.

35. quibus, OC, MG, MC, LA.

36. possunt, V, OC, MG, MA.

37. inter p., CE, MC.

37-38. plures heredes, OC, MG (p. herede).

39. summonitionem, OC, MG.