Bracton: Thorne Edition: Latin. Volume 4, Page 75

Harvard Law School Library

Bracton Online -- Latin

Volume 4, Page 75

Next

Go to Volume: Page:

[001] de ultra mare ultra¹⁹ mare²⁰ Græcorum, ut si quis profectus fuerit in
[002] peregrinatione²¹ usque ad Terram Sanctam. Et quo casu distinguendum
[003] erit utrum in simplici peregrinatione versus Terram Sanctam vel in generali
[004] passagio. Si autem in simplici peregrinatione, dabitur ei²² ad minus annus
[005] integer et unus dies. Et sic dantur²³ essoniato de ultra mare et citra mare
[006] Græcorum quadraginta dies ad minus et unum²⁴ flod et unum²⁵ ebbe. Et
[007] postea cum venerit in regnum habebit essonium de malo veniendi quod
[008] continet ad minus quindecim dies, et postmodum in suo casu essonium de
[009] malo lecti ad breve de recto. Et unde quibusdam videtur, quod non est
[010] verum, quod dari debent²⁶ essoniato de peregrinatione versus Terram
[011] f.338b] Sanctam annus et dies de ultra mare Græcorum, et postea quadraginta
[012] dies et unum²⁷ flod et unum²⁸ ebbe de simplici essonio de ultra
[013] mare, et sicut²⁹ essonium de malo veniendo in³⁰ regno³¹ et essonium de malo
[014] lecti in suo casu, quia quodlibet essonium habet suum terminum per se³².
[015] Si autem essonium fiat³³ de ultra mare Græcorum et de passagio generali,
[016] tunc remanebit loquela sine die, ubi videlicet essonium non comprehendit
[017] essoniatum infra regnum, et hoc propter privilegium cruce signatorum,
[018] cum non possit de eorum reversione certus terminus comprehendi propter
[019] verba decreti domini papæ, quod donec de ipsorum obitu vel reditu in
[020] regnum certissime cognoscatur, omnia sua integra remaneant et quieta
[021] consistant. Est igitur ordo essoniorum talis quod ita fieri possunt descendendo³⁴
[022] a Terra Sancta usque in³⁵ regnum sed non e converso. Ut si quis
[023] in regno essoniatus fuerit de malo veniendi, nullas³⁶ de cetero habebit de
[024] ultra mare. Et si de ultra mare simplici³⁷ de Terra Sancta nullum habebit
[025] essonium, Appropiare³⁸ enim possunt regno cum fuerint implacitati,
[026] elongare autem nequaquam. Est etiam aliud genus essonii non de malo
[027] veniendi sed de servitio domini regis, ut si quis necessitate fuerit detentus
[028] in servitio domini regis propter quod venire non possit ad curiam vocatus,
[029] et aliquando fit huiusmodi essonium de servitio domini regis in regno et
[030] quandoque de ultra mare. Et huiusmodi essonium³⁹ de servitio domini
[031] regis quandoque procedit essonium simplex de malo veniendi et quandoque
[032] subsequitur, semel et quandoque sæpius secundum necessitatem habitam
[033] in servitio prædicto. Et valebit essonium quotiens quis se essoniavit⁴⁰
[034] de servitio domini regis, dum tamen warantum habeat ad quemlibet diem

Notes

19-20. Om., OC, MG, LA.

21. peregrinationem, OC, MG.

22. aliud, OC, MG.

23. dabitur, OC, MG.

24. un, LA; unus, OC; vii, MG.

25. un, LA; unus, OC; vii, MG.

26. debet, OC, MG.

27. un, OA, LA.

28. un, OA, LA; I, OC.

29. sic, OC, MG.

30-31. Om., OC, MG.

32. se. Ex alia parte, OA, V (se ex a.p.).

33. factam, OC; fcm., MG.

34. defendendo, OC, MG.

35. ad, OC, MG.

36. nullam, OC, MG; nullum, V; sic, OA, MC, LA.

37. de s., OC, MG.

38. appropriare, OC, MC; approximare, V, MG.

39. de essonio, V; esson., MSS. var.

40. essoniaverit, MG; esson., MSS. var.