Bracton: Thorne Edition: Latin. Volume 4, Page 68

Harvard Law School Library

Bracton Online -- Latin

Volume 4, Page 68

Next

Go to Volume: Page:

[001] falsitatem fecit disseisiri talem de tanta terra cum pertinentiis
[002] etcetera. Et unde cum idem B. nullam haberet summonitionem optulit se
[003] idem A. versus eum, ita quod terra capta fuit in manum nostram semel et
[004] secundo, et per quam defaltam idem A. terram illam recuperavit desicut
[005] defalta illa nulla fuit ut dicit. Et catalla ipsius B. in eadem terra tunc inventa
[006] et ei occasione prædicta ablata,³⁶ eidem sine dilatione reddi facias et
[007] restitui. Præcipimus etiam³⁷ tibi quod habeas coram etcetera ad³⁸ eundem
[008] terminum A. et B. per quos summonitio prima facta fuit et in curia nostra
[009] testata, et præterea illos quatuor per quorum visum terra illa capta fuit in
[010] manum nostram, et per quos captio illa testificata fuit in curia nostra et-
[011] f.336] cetera, et etiam illos per quos secunda summonitio facta fuit et
[012] testata,¹ ad² certificandum iustitiarios nostros de prædictis summonitionibus
[013] et captionibus. Et habeas ibi hoc breve. Teste etcetera. Ad quem
[014] diem cum venerint diligenter examinentur. Imprimis summonitores primi
[015] de prima summonitione, et postea illi quatuor per quorum visum terra illa
[016] capta fuit in manum domini regis, et ultimo duo ultimi summonitores. Et
[017] in quo casu si primi summonitores in omnibus conveniant et concordent et
[018] summonitionem primam rite factam esse probaverint, et prædicti quatuor
[019] per quorum visum terra capta fuit captionem rite factam probaverint, et
[020] ultimi summonitores ultimam summonitionem, et sic per omnia conveniant³
[021] et concordent, adhuc locum habebit defensio per legem contra utrasque
[022] summonitiones in forma supra dicta. <De hac materia inveniri
[023] poterit de termino Sancti Michælis anno regis Henrici tertio incipiente
[024] quarto comitatu Surreiæ de Roberto de Basinges querente.> Si autem
[025] primi duo summonitores non convenerint nec concordent licet omnes alii
[026] conveniant in captione et in secunda summonitione, non valebit, cum
[027] prima summonitio deficiat quasi nulla. Et si omnes discordes sint⁴ ubique
[028] multo minus. Et quo casu retractabitur iudicium et reformabitur possessio
[029] primo possessori. Item non in omni casu imputari poterit summonitoribus
[030] sed negligentiæ vicecomitis. Et unde inquirendum erit quis in culpa fuerit,
[031] vicecomes vel summonitores, et si summonitio remanserit facienda pro
[032] defectu vicecomitis, quia illam numquam alicui iniunxit faciendam, in
[033] misericordia domini regis remanebit nisi excusationes habeat per quas se
[034] defendere possit: quæ tales esse possunt, scilicet quod breve tam tarde
[035] recepit et extra comitatum quod nulli potuit iniungere summonitionem
[036] faciendam, vel quod aliud præceptum maius supervenit de negotio ipsius
[037] domini regis ubi oportuit eum personaliter interesse. Et quo casu amittit⁵

Notes

36. oblata, V, OC, CE; sublata, MG.

37. Om., OC, MG.

38. et ad, MC, LA.

1. testificata, OB, MA, MG, CE.

2. et ad, OB, MA.

3. convenerint, OA, OC, CM, MC, LA; conveniunt, MG.

4. fuerint, OB, MA, MB; fuerit, Y.

5. amittet, CM, LA.