Bracton: Thorne Edition: Latin. Volume 4, Page 62

Harvard Law School Library

Bracton Online -- Latin

Volume 4, Page 62

Next

Go to Volume: Page:

[001] sit coram iustitiariis, quo casu si primo die non venerit nec se
[002] essoniaverit in placito speciali erit in defalta, nec excusabitur quamvis de
[003] communi²⁷ summonitione fuerit essoniatus. Sed si in placito speciali, excusa-
[004] f.333b] tur²⁸ per essonium illud quantum ad communem²⁹ summonitionem
[005] quamvis de ea³⁰ specialiter essoniatus non fuerit. Item videndum ubi
[006] specialis summonitio fieri debeat si ille qui summonendus est non inveniatur.
[007] Si autem inveniatur, fiat ei³¹ summonitio ubicumque inventus fuerit
[008] in domicilio suo vel extra, sub testimonio duorum ad minus qui hoc si opus
[009] fuerit possint testificari. Si autem non fuerit inventus, non tenentur summonitores
[010] eum ulterius quærere quam ad domicilium suum, et in quo si
[011] fuerit inventus, fiat ei summonitio ut prædictum est vel familiæ suæ, ei
[012] denuntianda cum venerit. Item si in comitatu plura habeat domicilia,
[013] potius fiat ei summonitio ad domicilium ubi magis habitaverit vel ubi³²
[014] maiorem habuerit substantiam. Si autem domicilium non habuerit nec
[015] dominicum in comitatu, tunc si feodum habuerit fiat summonitio ad feodum
[016] suum. Et cum ita qualitercumque præventus fuerit summonitione,
[017] non poterit extra regnum se transferre ut per hoc sibi adquirat dilationes
[018] de ultra mare, secundum quod inferius dicetur. Et quid si per summonitionem
[019] sic præventus se transtulerit³³ extra regnum et ad diem suum essoniatus
[020] fuerit de ultra mare? Quæro, cum non competat tale essonium, an
[021] verti possit in essonium de malo veniendi quod bene competeret si ab
[022] initio taliter se essoniasset. Et videtur prima facie quod sic, quia si quis
[023] primo se essoniaverit de malo lecti ubi se essoniasse debuit de malo veniendi,
[024] ordine non servato,³⁴ vertitur essonium de malo lecti in essonium de
[025] malo veniendi, et qui facit id³⁵ quod maius est facit id quod minus est.³⁶
[026] Videtur igitur quod eadem ratio est in casu præmisso, quod essonium de
[027] ultra mare vertitur in essonium de malo veniendi cum summonitus summonitione
[028] sit præventus. Sed non est idem in utroque casu, quia in uno
[029] casu competit³⁷ utrumque essonium sed vertitur unum in aliud propter
[030] ordinem non servatum. In alio vero casu³⁸ non competit nisi unicum tantum,
[031] scilicet essonium de malo veniendi, de citra mare et non de ultra. Et
[032] unde cum se essoniaverit de essonio de ultra mare quod non iacet, et non
[033] de³⁹ essonio de citra quod iacet, videtur et verum est quod carebit utroque,
[034] quia⁴⁰ essonium quod non est non potest cadere in essonium quod non est
[035] quamvis esse deberet. Item videndum⁴¹ quis summonere possit.⁴² Et sciendum
[036] quod omnis qui habet iurisdictionem et⁴³ potestatem iudicandi ordinariam

Notes

27. generali, OB, Y, MB; om., MA.

28. essoniatur, OC, MG.

29. generalem, OB, MA, MB, Y.

30. causa, OC, MG; ea causa, V.

31. Om, OB, MA, MB, CM.

32. ut, CE; om., OB, MA, MB.

33. transtulit, MC, LA.

34. observato, V, CE, CM.

35. illud, OB, MA, MB.

36. Om., MC, LA.

37-38. Om., OA, CE, OB, MA, MB, Y.

39. Om., OB, MA, MB, Y.

40. per, OC, MG.

41. v. est, MC, LA.

42. posset, OB, MA, MB.

43. Om., OC, MG.