Bracton: Thorne Edition: Latin. Volume 4, Page 61

Harvard Law School Library

Bracton Online -- Latin

Volume 4, Page 61

Next

Go to Volume: Page:

[001] hundredorum, quod tunc sint ibi audituri recordum illud et inde responsuri⁷
[002] et⁸ iudicium recepturi pro prædictis hundredis. Et habeas ibi⁹ summonitores,
[003] nomina militum¹⁰ et hoc breve. Teste etcetera. Et sunt huiusmodi
[004] formæ infinitæ secundum diversitatem placitorum.¹¹

De summonitionibus post loquelam translatam ad magnam curiam.

[006] TRANSLATA¹² ad magnam curiam ad petitionem petentis loquela quæ incepta
[007] est per breve de recto per pone, oportet quod summoneatur¹³ tenens
[008] quod sit ibi petenti inde¹⁴ responsurus. Et unde imprimis videndum est an
[009] sit summonitus. Et ideo de summonitionibus aliquid dicatur. Et sciendum¹⁵
[010] quod est summonitio, et est post summonitionem aliquando captio¹⁶ in
[011] manum¹⁷ domini regis per defaltam vel attachiamentum, secundum quod
[012] actio fuerit realis vel personalis, secundum quod inferius dicetur. Item est
[013] mandatum domini regis vel præceptum sine alia summonitione quod quis
[014] sit coram eo responsurus vel aliquid facturus, vel quod quis sit et habeat
[015] talem ad respondendum vel aliquid¹⁸ faciendum. Item est præceptum
[016] vicecomiti quod faciat aliquem venire vel quod¹⁹ attachiet vel quod habeat
[017] corpus²⁰ alicuius, vel ita attachiet quod sit securus habendi corpus, secundum
[018] diversitatem summonitionum et attachiamentorum, ut inferius dicetur
[019] de essoniis, et ubi aliquando sequitur essonium, aliquando²¹ non. Item
[020] summonitionum alia fit²² in actione reali tam in causa possessionis quam in
[021] causa proprietatis. Item alia in causa personali, ubi scilicet persona obligatur
[022] in contractibus ad aliquid dandum vel faciendum et in actionibus
[023] iniuriarum. Item summonitionum alia generalis alia specialis. Generalis
[024] autem sive communis est quæ tangit aliquam universitatem, sicut omnes de
[025] comitatu vel omnes alicuius civitatis, burgi vel villæ pro aliquo quod
[026] tangat²³ universitatem, sicut generalis summonitio quæ fit ante iter iustitiariorum
[027] et huiusmodi, quæ semper fieri debet in loco magis publico, et
[028] ideo dedici non poterit nec defendi, quia quod omnes de comitatu vel²⁴
[029] civitate sciverint vel cognoverint, unus vel plures hoc dedicere non possunt.
[030] Et talem generalem summonitionem sequuntur essonia quæ quidem dicuntur
[031] essonia de communi summonitione, per quæ²⁵ defenditur quis et eius
[032] absentia si ad primum diem communis summonitionis non venerit, dum
[033] tamen veniat ad diem sibi datum ad warantizandum essonium et ita quod
[034] inde postmodum sine licentia non recedat. Est etiam²⁶ specialis summonitio
[035] quæ sub generali continetur, ut si quis de aliquo placito speciali summonitus

Notes

7-8. Om., OC, MG.

9. Om., OB, MA, MB.

10. Om., OC, MG.

11. ipsorum, OC, MG.

12. t. est, OC; translatorum, CM; cum translata fuerit, MG.

13. summoniatur, MSS. var.

14. Om., OB, MA, MB.

15. s. est, MC, LA.

16. Om., OA, CE, OB, MB, Y.

17. manu, MSS. var.

18. ad, OC, MG.

19. Om., V, OB, MG.

20. coram, OC, MG.

21. et a., CE, CM, MC.

22. sit, MSS. var.

23. tangit, OC, MG, CM, MA, MB, Y.

24. vel de, LA, MC, MG.

25. quem, OC, MG.

26. autem, OC, MG; om., CM.