Bracton: Thorne Edition: Latin. Volume 4, Page 58

Harvard Law School Library

Bracton Online -- Latin

Volume 4, Page 58

Next

Go to Volume: Page:

[001] ius habeat in terra illa. Et summone per bonos summonitores prædictum
[002] talem quod tunc sit ibi auditurus illam electionem. Et habeas ibi nomina
[003] militum et hoc breve. Teste etcetera. Et sciendum quod variantur huiusmodi
[004] brevia secundum varietatem assisarum, secundum quod videri poterit
[005] infra de assisis. Si autem placitum sit de servitiis et consuetudinibus,
[006] tunc fiat breve sic.

De assisa arramianda cum placitum de recto fuerit de servitiis et consuetudinibus.

[008] REX vicecomiti salutem. Summone per bonos summonitores quatuor legales
[009] milites de comitatu tuo etcetera ut supra, ad faciendum recognitionem
[010] magnæ assisæ nostræ inter A. petentem et B. deforciantem de consuetudinibus
[011] et servitiis quæ idem A. exigit a prædicto B. de tanto terræ
[012] cum pertinentiis in tali villa. Et unde idem B. qui tenens est posuit se in
[013] magnam assisam nostram, et petit² recognitionem fieri utrum debeat prædicto
[014] A. de prædicta terra tale servitium et³ tale tantum per annum pro
[015] omni servitio sicut ei recognoscit, an idem servitium et præterea tantum
[016] sicut idem A. ab eo exigit. Et summone etcetera, ut supra.

Breve de assisa arramianda in iurata de gavelikinde loco magnæ assisæ.

[018] REX vicecomiti salutem. Summone per bonos summonitores quatuor legales
[019] homines⁴ de comitatu tuo quo teneant in gavelikinde quod sint coram
[020] iustitiariis nostris etcetera ut supra, ad eligendum super sacramentum⁵
[021] duodecim de legalioribus hominibus de visneto tali qui teneant in gavelikinde
[022] et qui melius sciant et velint dicere veritatem, ad faciendum iuratam
[023] loco magnæ assisæ provisam et concessam, inter tales etcetera ut supra. Et
[024] summone etcetera. Et habeas etcetera. Et tali modo procedet⁶ placitum de
[025] recto in comitatu, nisi forte sit aliquis capitalis dominus, ut prædictum est,
[026] qui curiam suam ad horam petierit antequam placitum fuerit in comitatu,
[027] vel forte cum in comitatu fuerit perquirat sibi petens de ponendo loquelam
[028] illam ad magnam curiam per breve quod vocatur pone, et quod tenenti de
[029] facili non conceditur⁷ nisi ex causa necessaria in brevi exprimenda.

Pone ad petitionem petentis.

[031] REX vicecomiti salutem. Pone ad petitionem petentis coram iustitiariis
[032] nostris apud Westmonasterium tali die loquelam quæ est in comitatu tuo
[033] per breve nostrum de recto inter A. petentem et B. tenentem de tanto terræ
[034] cum pertinentiis in tali villa. Vel sic: exceptis tot acris etcetera. Et summone
[035] per bonos summonitores prædictum B. quod tunc sit ibi præfato A.
[036] inde responsurus. Et habeas ibi summonitores et hoc breve. Teste etcetera.

Notes

2. petiit, V, MA, CM.

3. vel, OB, MA, MB.

4. milites, LA, CM; milites vel homines, MC.

5. s. suum, MB, MC, LA, CM, Y.

6. procedat, V, OB, MA.

7. concedatur, OB, MA, MG; concedere, LA.