Bracton: Thorne Edition: Latin. Volume 4, Page 57

Harvard Law School Library

Bracton Online -- Latin

Volume 4, Page 57

Next

Go to Volume: Page:

[001] illas de servitiis et consuetudinibus, quas talis²⁵ ab eo exigit et quas ei non
[002] cognoscit, et unde posuit se in magnam assisam nostram coram te in comitatu
[003] tuo, idem talis nihilominus distringit eum pro eisdem servitiis et
[004] consuetudinibus quas ei non cognoscit, et in aliis gravis existit eidem et
[005] iniuriosus. Et ideo tibi præcipimus quod non permittas de cetero quod prædictus
[006] talis distringat ipsum²⁶ talem pro eisdem servitiis et consuetudinibus,
[007] vel²⁷ quod prædicta occasione de cetero ei molestiam inferat vel gravamen.
[008] Et ita te habeas in hoc negotio etcetera. Teste etcetera. Item est aliud
[009] breve de pace ubi terra petita teneri debet in gavelikinde²⁸ quod tale est.

Breve de pace in gavelikinde.

[011] REX vicecomiti salutem. Prohibemus tibi ne teneas placitum quod est in
[012] comitatu tuo inter talem et talem etcetera ut supra, nisi duellum etcetera,
[013] quia idem talis qui tenens est posuit se in iuratam loco magnæ assisæ nostræ
[014] provisam et concessam, et petit²⁹ recognitionem fieri uter³⁰ eorum
[015] maius ius habeat in terra illa. Teste etcetera. Et notandum quod omnia
[016] brevia de pace sic fiunt vel sic, vel quod sit prohibitio vicecomiti ne teneat,
[017] vel vicecomiti quod aliis³¹ prohibeat, sicut dominis, custodibus vel ballivis
[018] ne ipsi teneant placitum quod est in curia eorum etcetera ut supra. Et
[019] sciendum quod omnia brevia de pace irrotulari debent in rotulis de³²
[020] cancellaria.

Quod tenens qui se posuerit in magnam assisam, cum breve de pace habuerit, perquirat sibi petens de arramiando magnam assisam coram iustitiariis in adventu ipsorum.

[022] CUM autem tenens huiusmodi breve de pace sibi perquisiverit, statim debet
[023] petens aliud sibi perquirere, scilicet de magna assisa coram iustitiariis in
[024] eorum adventu arramianda, et per quod summoneantur³³ quatuor milites
[025] ad eligendum duodecim ad faciendum assisam illam in hac forma.

Breve de assisa arramianda.

[027] REX vicecomiti salutem. Summone per bonos summonitores quatuor legales
[028] milites de comitatu tuo quod sint coram iustitiariis nostris ad primam
[029] assisam cum in partes illas venerint, ad eligendum super sacramentum
[030] suum duodecim de legalioribus militibus de tali visneto qui melius
[031] sciant et velint veritatem dicere, ad faciendum recognitionem magnæ assisæ
[032] nostræ inter talem petentem et talem tenentem de tanto terræ cum
[033] f.332] pertinentiis in tali villa, quia idem talis qui tenens est posuit se in
[034] magnam assisam nostram et petit recognitionem fieri uter¹ eorum maius

Notes

25. Om., OC, MG.

26. prædictum, MC, LA.

27. ita, OB, MA, MB.

28. gavelinkynde, gavelkinde, MSS. var.

29. petiit, V, MA.

30. utrum, OB, MA, MC, CE, CM; quis, OC, MG.

31. alius, OC, MG.

32. in, OC; et in, MG.

33. summoniantur, MSS. var.

1. utrum, OB, MA, MC, CE, CM.