Bracton: Thorne Edition: Latin. Volume 4, Page 53

Harvard Law School Library

Bracton Online -- Latin

Volume 4, Page 53

Next

Go to Volume: Page:

[001] possit, et statim per iuramentum ipsius petentis et aliorum duorum quos
[002] petens secum habuerit, audiat serviens probationem defaltæ in præsentia
[003] capitalis domini si interesse voluerit per se, vel per certum attornatum,
[004] senescallum vel alium ballivum, secundum quod inveniri poterit de termino
[005] Paschæ et Sanctæ Trinitatis anno regis Henrici tertio comitatu
[006] Surreiæ, de Gilberto de Albingeworthe³ et Reginaldo de Breuse.⁴ Qui quidem
[007] si summonitus interesse noluerit nihilominus procedat probatio, et
[008] probata defalta ut prædictum est, redire debent ad comitatum tam petens
[009] quam serviens. Et serviente qui in hoc recordum habet probationem defaltæ
[010] attestante, tunc petens petat inde iudicium, et ibi per iudicium
[011] præcipietur quod tenens summoneatur⁵ quod sit ad alium comitatum inde
[012] petenti responsurus. Ad quem diem si uterque comparuerit procedat loquela.
[013] Si autem neuter⁶ sed⁷ se essoniaverint, dabitur alius dies per essonium,
[014] et idem erit de altero ipsorum. Si autem nullus, vacua⁸ erit loquela
[015] quamvis videatur quod compensari debeat defalta cum defalta, ex quo
[016] tenens per iudicium quietus⁹ non recessit. Si autem petente comparente
[017] tenens non¹⁰ comparuerit, præsentibus summonitoribus et summonitiones
[018] testificantibus, procedatur contra ipsum ad defaltam secundum diversam
[019] consuetudinem diversorum comitatuum, vel per captionem terræ in manum
[020] domini regis vel alio modo. Et secundum quod in comitatu Lancastriæ
[021] observatur, et quæ consuetudo ab Martino de Patishilla commendata
[022] fuit et approbata et quæ talis fuit, quod si tenens ad primam summonitionem
[023] non veniret,¹¹ tunc præsentibus summonitoribus et summonitionem
[024] testificantibus, per considerationem comitatus summoneatur¹² secundo
[025] quod sit ad alium comitatum, ad quem si non venerit præsentibus summonitoribus
[026] etcetera ut prius, per considerationem comitatus capiatur
[027] parvum namium de eadem terra nomine districtionis, et tenens summoneatur¹³
[028] tertio quod sit ad tertium comitatum, ad quem si non venerit
[029] capiatur magnum namium de eadem terra, scilicet averia et catalla in
[030] duplum pro afforciamento districtionis, et tenens quarto summoneatur¹⁴
[031] quod sit ad quartum comitatum, ad quem si non venerit, per considerationem
[032] comitatus capiatur¹⁵ terra in manum domini regis et tenens quinto
[033] summoneatur¹⁶ quod sit ad quintum comitatum, ad quem si non venerit
[034] nec terra petita sit per plevinam, petens seisinam suam recuperabit per
[035] defaltam, nec poterit tenens se defendere contra recordum comitatus per

Notes

3. Abbingwith., Abbingeworth., Albingword., Alingewik., Albingewerk., MSS. var.

4. Brewes, Brewys, Brewose, MSS. var.

5. summoniatur, MC, LA, OC, MG, CM.

6-7. non sed uterque, OC; non uterque si, MG.

8. tunc vacua, OB, MA, MB.

9. Om., OB, MA, MB.

10. vero, OA, CE, MC.

11. veniat, OB, MA, MB; veniet, Y, OA, CE; venerit, OC.

12. summoniatur, MSS. var.

13. summoniatur, MSS. var.

14. summoniatur, MSS. var.

15. capietur, V, CM.

16. summoniatur, MSS. var.