Bracton: Thorne Edition: Latin. Volume 4, Page 374

Harvard Law School Library

Bracton Online -- Latin

Volume 4, Page 374

Next

Go to Volume: Page:

[001] mandatum habuerit, ex hoc incipit habere iurisdictionem et coertionem in
[002] præbendis quasi ordine observato. Forma brevis talis est.

Breve ad episcopum vel alium ordinarium quod faciat clericum venire cum non habeat per quod possit distringi.

[004] HENRICUS²⁵ dei gratia etcetera venerabili patri in Christo B. eadem gratia
[005] Londoniensi episcopo salutem. Mandamus vobis quod venire faciatis
[006] coram iustitiariis nostris etcetera ad talem diem talem archidiaconum, vel
[007] talem decanum vel canonicum, ad respondendum C. de tali placito etcetera
[008] ut supra. Et tunc addatur hæc clausula: et unde vicecomes noster
[009] Middelsexiæ mandavit præfatis iustitiariis nostris quod prædictus archidiaconus,
[010] vel talis alius qui²⁶ clericus est, noluit²⁷ plegios invenire nec
[011] habet laicum feodum per quod distringi possit. Et habeatis²⁸ ibi hoc breve.
[012] Teste etcetera. Si autem episcopus nihil fecerit ad mandatum domini
[013] regis, tunc fiat irrotulatio sic: A. obtulit se quarto die versus B. de placito
[014] tali et B. non venit, et alias præceptum fuit vicecomiti quod attachiaret
[015] eum, et vicecomes mandavit quod clericus fuit etcetera ut supra, et ita
[016] quod mandatum fuit episcopo tali quod faceret eum venire et quod
[017] mitteret breve, et ipse nihil inde fecit. Et ideo summoneatur episcopus
[018] quod sit ad talem diem, et ibi habeat prædictum talem ad respondendum
[019] prædicto A. quare etcetera secundum breve originale, et ad ostendendum
[020] quare prædictum B. coram præfatis iustitiariis ad talem diem non habuit²⁹
[021] sicut ei mandatum fuit. Forma brevis talis est: Rex vicecomiti salutem.
[022] Summone per bonos summonitores F.³⁰ Londoniensem episcopum quod
[023] sit coram iustitiariis etcetera³¹ ad talem diem, et ibi habeat talem archidiaconum,
[024] vel talem clericum, ad respondendum tali de placito quare etcetera
[025] ut supra. Et in fine: et³² ad ostendendum quare non fecit eum venire coram
[026] iustitiariis nostris ad talem diem sicut ei mandatum fuit, et quare non
[027] misit breve etcetera. Ad quem diem aut facit eum venire aut non facit.
[028] Si autem non, tunc non observabitur solemnitas attachiamentorum sicut
[029] in aliis districtionibus, et statim distringatur episcopus per baroniam suam
[030] quod sit ad alium diem, et ibi habeat præfatum³³ clericum ad respondendum
[031] etcetera. Et summoneat episcopum quod tunc sit ibi auditurus
[032] iudicium suum de hoc quod prædictum clericum non habuit ad talem diem
[033] etcetera, sicut ei mandatum fuit. Et fiat irrotulatio sic: A. obtulit se quarto
[034] die versus B. de tali placito etcetera ut supra, et B. non venit, et alias
[035] mandatum fuit episcopo quod faceret eum venire ad talem diem. Ad quem

Notes

25. Edwardus, MA, MG.

26. Om., MA, CM, OC, MG, CE, LA.

27. et n., OC, MG, CE, CM, MC, LA.

28. habeas, MA, CM; habetis, OC, CE; habeat, MG.

29. habuerit, OC, MG, CE, MA.

30. E., OB, MA; B., MG.

31. nostris, OC, MG, CE.

32. Om., V, MG; dicatur et, Y.

33. Om., OB, MA; suum præfatum, Y.