Bracton: Thorne Edition: Latin. Volume 4, Page 373

Harvard Law School Library

Bracton Online -- Latin

Volume 4, Page 373

Next

Go to Volume: Page:

[001] non venerit ad diem suum procedatur contra ipsum ad defaltam, scilicet
[002] quod non attachietur sed quod resummoneatur, et si ad resummonitionem
[003] non venerit, tunc amercietur graviter, ut de termino Sanctæ Trinitatis
[004] anno regis Henrici tertio.

Si clericus securitatem invenire noluerit propter privilegium ordinis.

[006] ITEM excusari poterit vicecomes propter privilegium clericorum, ut si
[007] præceptum domini regis habuerit de attachiando aliquem qui clericus sit
[008] et qui plegios invenire noluerit propter privilegium clericale, nec laicum
[009] feodum habuerit per quod possit distringi, nec debet dominus rex manus
[010] in eos inicere.¹⁸ Et cum in eos coertionem non habeat, maxime in delictis
[011] et transgressionibus sicut in maioribus criminibus, nullum aliud supererit¹⁹
[012] remedium nisi quod ex parte domini regis mandetur ordinariis loci qui
[013] baronias habent, sicut archiepiscopis, episcopis et aliis in quorum diocesibus
[014] tales sunt manentes qui attachiari debent, vel beneficia ecclesiastica
[015] habuerint, et in quos dominus rex habet coertionem propter baronias
[016] suas, quod faciant tales venire. Et sic fiat²⁰ irrotulatio: A. obtulit se quarto
[017] die versus B. de placito tali etcetera, et B. non venit, et præceptum fuit
[018] vicecomiti quod attachiaret eum, et vicecomes mandavit quod prædictus
[019] B. clericus est et quod noluit plegios invenire, nec habuit laicum feodum
[020] per quod potuit distringi. Et ideo mandatum est²¹ ordinario loci, sicut
[021] archiepiscopo vel episcopo et huiusmodi, quod faciat²² talem clericum
[022] venire ad talem diem, nisi ita sit forte quod testatum sit quod talis clericus
[023] habeat laicum feodum et catalla in laico feodo per quæ distringi possit.
[024] Et vicecomes per fraudem mandaverit quod nihil habuerit, et quo casu
[025] fiat ut supra de fraudibus vicecomitis. Sed²³ quid si clericus præbendam
[026] habuerit, laicum feodum scilicet, et noluerit plegios invenire? Quæritur
[027] an vicecomes eum distringere possit statim per præbendam, vel si cum
[028] præceptum habuerit de attachiando retornum fecerit ordinario, an²⁴
[029] ordinarius distringere possit canonicum per præbendam suam. Videtur
[030] quod neuter, nec vicecomes nec episcopus. Vicecomes non licet warantum
[031] haberet ingrediendi libertatem sine episcopo vel alio ordinario, cum
[032] episcopus sit caput ecclesiæ et canonici membra. Item nec episcopus per
[033] tale retornum sine speciali præcepto domini regis, cum canonicus adeo
[034] f.443] libere teneat præbendam suam de ecclesia sicut ipse episcopus
[035] suam baroniam. Et canonici sunt quasi unum corpus per se in ecclesia.
[036] Et quamvis episcopus sit caput ecclesiæ, tamen canonici habent sua bona
[037] a bonis episcopi separata. Et ideo cum episcopus a domino rege speciale

Notes

18. mittere, V, OB; eicere, MG; vertere, OC, CE.

19. erit, OC, CE; superit, MG.

20. fiat talis, V, OB, MA, Y.

21. fuit, OB, MA.

22. faciant, OB, OC, MG, CE, LA, Y.

23. et, OC, MG, CE.

24. et, OB, MA.