Bracton: Thorne Edition: Latin. Volume 4, Page 359

Harvard Law School Library

Bracton Online -- Latin

Volume 4, Page 359

Next

Go to Volume: Page:

[001] esse in partibus transmarinis hoc probare debet: ut de termino Sanctæ
[002] Trinitatis anno regis Henrici quarto comitatu Middelsexiæ, assisa mortis
[003] antecessoris si Robertus Cocus.

De exceptione finis facti.

[005] ITEM competit tenenti exceptio finis facti contra petentem. Dicere enim
[006] poterit tenens quod aliquando finis factus fuit in curia regis de eadem terra
[007] inter ipsum et petentem vel eorum antecessores, ita quod per¹⁶ finem illum
[008] recognovit idem petens vel aliquis antecessorum suorum terram illam esse
[009] ius ipsius tenentis¹⁷ vel alicuius antecessoris sui, et illam remisit et quietam
[010] clamavit etcetera. Et ad hoc probandum statim proferat cirographum et
[011] finem, ad quod statim respondeat petens statim¹⁸ replicando, et ostendat
[012] rationem quare finis ei nocere non debeat, vel¹⁹ quod finis ille in nullo tangit
[013] personam suam, vel quod ei nocere non debeat²⁰ nec tenenti valere, supra
[014] dictis rationibus et pluribus aliis²¹ inferius dicendis.

Exceptio de defectu probationis per lapsum temporis, quia de tam longinquo tempore quod excedit memoriam hominum, vel propter limitationem brevium.

[016] EXCIPERE etiam poterit tenens contra petentem quod licet ei ius descenderit
[017] sicut petens dicit, tamen non valet sua petitio neque actio pro defectu
[018] probationis propter lapsum temporis, quia non est aliquis qui de
[019] seisina antecessoris petentis loqui possit vel aliquid probare de visu suo
[020] proprio vel patris sui qui²² hoc ei iniunxit,²³ quia seisina de qua petens
[021] loquitur omnem excedit probationem sicut de tempore Henrici regis senis
[022] et²⁴ ulterius,²⁵ et huiusmodi exceptio substantiam capit ex tempore. Et hic
[023] est casus quod ille qui ius habet²⁶ amittit imperpetuum et heredes sui, et
[024] ille qui nihil iuris habet et heredes sui imperpetuum retinebunt,²⁷ et hoc
[025] est²⁸ pro defectu probationis.

Exceptio si tenens fuerit a duobus implacitatus, quia nemo duobus respondet simul.

[027] ITEM competit tenenti exceptio dilatoria tantum.²⁹ Ut si tenens de eadem
[028] re a duobus implacitatus fuerit, quia de una re non potest³⁰ quis nec debet
[029] simul et semel duobus³¹ respondere. Et ideo refert utrum institutæ sint
[030] actiones utræquæ super iure proprietatis vel super ipsa possessione. Item
[031] quis prius,³² quis posterius impetraverit,³³ et ad quem et ad cuius iurisdictionem,
[032] ut per hoc sciri possit quis alteri præferri debeat et quis non.

Notes

16. Om., OA, CM.

17. petentis, OA, OC, CE, CM, MC, LA.

18. Om., OA, OC, CE, CM.

19-20. Om., OB, MA, CM, Y.

21. Om., OB, MA.

22. quod, OB, MA, Y.

23. iniunxerit, OA, Y, OB; vixerit MA.

24-25. Om., OB, MA, Y.

26. Om., OB, MA.

27. optinebunt, MC, LA; tenet, OC, CE.

28. Om., OA, CM.

29. Om., OA, CM.

30. poterit, OB, MA.

31. Om., OC, CE, CM.

32. prius et, OB, MA, Y.

33. impetravit, V, OA.