Bracton: Thorne Edition: Latin. Volume 4, Page 301

Harvard Law School Library

Bracton Online -- Latin

Volume 4, Page 301

Next

Go to Volume: Page:

[001] f.418b] casu condicio possidentis: et tunc capitalis dominus petat et
[002] pertinet ad ipsum exceptio.

Item contra quem.

[004] ITEM contra quem competat. Et sciendum quod contra quemlibet tam
[005] masculum quam feminam, tam contra minorem quam contra maiorem,
[006] dum tamen si infra ætatem fuerit minor cui opponitur non procedat inquisitio
[007] de bastardia ante ætatem, dum tamen minor tenens fuerit, quia
[008] non magis tenetur respondere ad exceptionem de bastardia ante ætatem
[009] quam ad assisam, cum exceptio bastardiæ tam in causa possessionis quam
[010] proprietatis terminet⁴⁶ negotium. Ut de itinere Martini de Pateshilla
[011] comitatu Cantiæ ad festum Sancti Michælis anno regis Henrici undecimo⁴⁷
[012] incipiente duodecimo, assisa mortis antecessoris si Willelmus de Herst,
[013] ubi assisa venit super custodem qui dixit quod nihil habuit⁴⁸ nisi nomine
[014] custodiæ cum quodam qui fuit infra ætatem, et de quo responsum fuit
[015] quod bastardus erat. Si autem a maiore contra minorem petentem procedat
[016] assisa: ut in eodem itinere, assisa mortis antecessoris si Henricus
[017] Panfurere,⁴⁹ quibus petentibus obiecta fuit bastardia, et de quibus iuratores
[018] dixerunt quod bastardi fuerunt quia nati ante matrimonium, et
[019] processit assisa mortis antecessoris in curia regis.

Item inter quas personas locum habet.

[021] ITEM non competit exceptio bastardiæ nec locum habet inter coniunctas
[022] personas, sed inter extraneas, in causa possessionis nec in⁵⁰ placito de⁵¹
[023] consanguinitate⁵² non magis quam in assisa mortis antecessoris, quia ubi
[024] eadem ratio ibi erit idem ius: inter tales personas agitur de ipso iure et non
[025] de aliqua possessione si fuerit hereditas descendens a communi stipite,
[026] quia si⁵³ inter eos teneret⁵⁴ huiusmodi exceptio, sic⁵⁵ terminari posset proprietas
[027] ipsa in placito possessionis, licet obici posset⁵⁶ quod bastardus sit
[028] tamquam extraneus quantum ad verum heredem. Sed tamen inter eos non
[029] procedit⁵⁷ ista exceptio non magis quam assisa, quia adhuc in pendenti est
[030] utrum ille cui bastardia obicitur se probare possit⁵⁸ legitimum vel non.

Cum obiecta fuerit cum causa, oportet quod sequatur probatio.

[032] CUM autem sic obiecta fuerit bastardia adiecta causa, non⁵⁹ valeat⁶⁰ exceptio
[033] nisi probetur cum tenens dicat petentem esse bastardum et idem⁶¹
[034] petens replicando dicat se esse legitimum, vel e converso. Videndum ad⁶²

Notes

46. mutat, OA, MG (-et).

47. sexto, MB; nono, OC, CE; decimo, MA.

48. habuerit, OA, MG, MA.

49. Pansurere, Pansur., Panfure, Fansour., Panserere, MSS. var. Cf. f. 417, n. 21.

50. de, MC, LA.

51-52. consanguinitatis, OA, MG.

53. Om., OA, MG.

54. teneretur, OB, MA, MB, Y; tenet, OC, CE.

55. quia si, OC, CE; si, OA, MG.

56. possit, OB, MA, MB, Y.

57. procedat, OB, MB, Y; -et, MA.

58. posset, V, OB, MB; om., MA.

59. nec, MC, LA, Y.

60. valet, V, OA, OC, MG, CE, MA.

61. ipse, OA, MG.

62. est, OA, MG.