Bracton: Thorne Edition: Latin. Volume 4, Page 30

Harvard Law School Library

Bracton Online -- Latin

Volume 4, Page 30

Next

Go to Volume: Page:

[001] quam non habet ingressum nisi per talem abbatem prædecessorem suum,
[002] an cadat breve si plures abbates medii intervenerint, et an faciunt gradum
[003] de abbate in abbatem sicut de herede in heredem. Et videtur quod non,
[004] non⁶ magis quam in computatione descensus, quia etsi alternetur persona
[005] non propter hoc alternatur dignitas sed semper manet.

Breve si heres petat quod antecessor dimisit ad terminum.

[007] DICTUM est supra si ille petat qui dimisit. Nunc autem dicendum⁷ si heres
[008] petat quod antecessor dimisit ad terminum. Forma brevis talis est:
[009] Rex vicecomiti salutem. Præcipe tali quod iuste et sine dilatione reddat
[010] tali tantum terræ cum pertinentiis in tali villa quod clamat esse ius et
[011] hereditatem suam, et in quod⁸ prædictus talis non habet ingressum nisi
[012] per talem cui talis pater vel mater, frater vel soror, avus vel avia, avunculus
[013] vel amita, consanguineus vel consanguinea, sive prædecessor prædicti
[014] talis cuius heres ipse est illud dimisit ad terminum qui præteriit ut dicit.
[015] Et nisi fecerit, et idem⁹ talis fecerit te securum de clamore¹⁰ suo prosequendo,
[016] tunc summone per bonos summonitores præfatum talem quod
[017] sit coram iustitiariis nostris ad primam assisam cum in partes illas venerint,
[018] ostensurus quare non fecerit. Et habeas ibi summonitores et hoc
[019] breve. Teste etcetera.

Si vir donationem fecerit de hereditate uxoris cui ipsa in vita sua contradicere non potuit.

[021] f.321b] SI quis donationem fecerit de hereditate uxoris¹¹ quæ ei in vita
[022] sua contradicere non potuit, tunc post mortem viri consulitur ei per tale
[023] breve: Rex vicecomiti salutem. Præcipe tali quod iuste et sine dilatione
[024] reddat tali quæ fuit uxor talis tantum terræ cum pertinentiis in tali
[025] villa quod clamat esse ius et hereditatem suam vel maritagium suum, et in
[026] quod prædictus talis non habet ingressum nisi per prædictum talem quondam
[027] virum ipsius talis qui illud ei dimisit, cui ipsa in vita sua contradicere
[028] non potuit ut dicit. Et nisi fecerit, et idem¹² talis fecerit te securum
[029] etcetera, ut supra. Ad quem ingressum tenens poterit multipliciter
[030] respondere secundum quod superius dictum est. Et etiam poterit defendere
[031] ingressum¹³ per prædictum virum et dicere quod habuit ingressum
[032] per prædictam mulierem, antequam esset¹⁴ desponsata¹⁵ tali viro vel post
[033] mortem viri sui, et hoc probare per instrumenta et per testes simul cum
[034] patria, vel ex toto se ponere in¹⁶ iuratam, et secundum talia verba formari
[035] poterit inquisitio. Item concedere poterit quod habuit ingressum per

Notes

6. Om., V, OC, MG.

7. d. est, OB, MA, MB.

8. quam, OB, MA, MB.

9. praedictus, MC, LA.

10. sic, MG; clamio, OB; clam., MSS. gen.

11. u. suae, OB, MA, MB.

12. eadem, OB, MB; etc., MA.

13. talem i., OB, MA, MB.

14-15. ipsa desponsata fuit, OB, MA, MB.

16. super, OB, MA, MB.