Bracton: Thorne Edition: Latin. Volume 4, Page 29

Harvard Law School Library

Bracton Online -- Latin

Volume 4, Page 29

Next

Go to Volume: Page:

[001] breve quia non convenit veritati. Volunt tamen quidam³³ artare tenentem
[002] quod³⁴ ipsum alium talem quem nominavit vocet ad warantum, quod non
[003] est concedendum, quia si³⁵ teneretur talem vocare ad warantum præcise
[004] et warantizaret, ita posset ille alium vocare et ille alius tertium, et sic
[005] in infinitum usque ad mille. Et sic³⁶ non³⁷ limitaretur breve de ingressu
[006] infra suos limites et suos gradus, nec³⁸ habet tenens necesse talem vocare
[007] ad warantum cum cadat³⁹ breve per exceptionem, eo quod ingressum
[008] non habet per talem in brevi nominatum, nec eget quod alius eum defendat
[009] in sua possessione cum sufficiat⁴⁰ ei sua⁴¹ propria exceptio ad
[010] defensionem. <Sed re vera bene poterit tenens si voluerit renuntiare illi⁴²
[011] exceptioni⁴³ contra breve et sustinere breve, et hoc erit potius ad damnum
[012] suum quam ad commodum, et warantum vocare alium quam illum qui
[013] in brevi nominatur. Sed ad hoc artari non poterit nisi velit⁴⁴ gratis renuntiare
[014] exceptioni. Et quod ita facere possit si⁴⁵ velit probatur in rotulo de
[015] termino.> Et quod cadere debeat in hoc casu breve inveniri poterit de
[016] termino Paschæ anno regis Henrici septimo comitatu Bukinghamiæ,
[017] de Guynde de Wyndelessor. Et ad hoc facit de eodem termino comitatu
[018] f.321] Cantiae de Alicia quæ fuit uxor Ricardi, et in aliis multis locis.
[019] Sed cum ingressus sit talis sicut petens dicit, bene poterit tenens cum
[020] cognoverit ingressum vocare warantum suum per quem ipse ingressum
[021] habuit,¹ et quilibet suum usque ad quartum gradum et non ultra, dum
[022] tamen ipse tenens tenuerit ad vitam ut liberum tenementum vel in feodo
[023] sibi et heredibus suis vel ad feodi firmam vel huiusmodi. Re vera si
[024] impetratum fuerit super firmarium non cadit breve, quia ipse poterit
[025] vocare warantum, quia si non sic amitteret usufructuarius usumfructum,
[026] quod esset iniquum, cum tantundem iuris habeat in usufructu² quantum
[027] proprietarius in libero tenemento, et cum veniat breve super eum vocet
[028] warantum, et si fuerit defensus retinebit usumfructum. Si autem non,
[029] habebit regressum versus suum warantum de usufructu, et warantus suus
[030] si ulterius vocaverit³ et fuerit ei⁴ warantizatum,⁵ de libero tenemento et
[031] de excambio. Si autem ad terminum annorum credo aliud esse dicendum
[032] cum ipse non teneat in dominico tenementum, et secundum quod petitur
[033] nisi tantum usumfructum, et multo minus si teneat de anno in annum.
[034] Item quæritur si petatur versus abbatem aliquem vel priorem vel alium
[035] religiosum expresso proprio nomine vel non expresso, et dicatur, et in

Notes

33. quid. (quidem?), MSS. var.

34. et, OB, MA, MB.

35. Om., OB, MA, MB.

36. sic si, Y, OB, CE; si sic, V.

37. Om., OB, MA, MB, CE, Y, OA (+).

38. non, OB, MA, MB.

39. cadit, OC, MG, MB.

40. deficiat, OB, MA, MB.

41. Om., OB, MA, MB.

42-43. illam exceptionem, OC; illi per exceptionem, MG.

44. Om., MC, LA.

45. et, MC, LA.

1. habuerit, MSS. var.

2. sic, LA, MC, CM; usumfructum, MSS. var.

3. v. warantum, OB, MA, MB.

4. ibi, OC. MG.

5. warantus, CM; var., MSS. gen.