Bracton: Thorne Edition: Latin. Volume 4, Page 288

Harvard Law School Library

Bracton Online -- Latin

Volume 4, Page 288

Next

Go to Volume: Page:

[001] militis in³⁸ eadem villa vel³⁹ diversis, quamvis cadat breve de feodo unius
[002] militis,⁴⁰ nihilominus stabit de feodo alterius militis versus⁴¹ eundem,⁴²
[003] quia ibi sunt diversæ actiones propter diversitates⁴³ tenementorum
[004] quamvis breve unicum. Et eodem modo erunt diversæ⁴⁴ actiones⁴⁵ ratione
[005] diversarum personarum et rerum ubi plures sunt tenentes. Et de hac
[006] materia inveniri poterit de termino Sancti Hillarii anno regis Henrici
[007] octavo comitatu Herefordiæ, de Ricardo filio Godefridi. Et sic vel cadit
[008] breve omnino vel stabit quantum ad quosdam et cadet⁴⁶ quantum ad alios.
[009] Item cadit breve per mortem unius partis sive petentis sive tenentis
[010] simul cum actione. Item si plures sint petentes⁴⁷ vel plures⁴⁸ tenentes qui
[011] sunt coheredes et participes et unum ius habentes, morte unius vel plurium
[012] cadit breve sed non actio, quia⁴⁹ quandoque cadit breve sed non
[013] actio,⁵⁰ et quandoque stat breve simul cum actione, sed corrigitur post
[014] errorem vel defectum, quandoque cadit breve simul cum actione, quia
[015] ubi cadit actio ibi cadit breve. Item quandoque tenet breve et differtur⁵¹
[016] actio, quia ubicumque tenet actio et breve, licet quandoque corrigatur
[017] propter errorem. Item quandoque cadit breve sed mutatur petitio in aliam
[018] actionem de eadem re sed per aliud breve, secundum quod superius dicitur
[019] in parte super possessione et proprietate. De hoc autem quod dicitur⁵²
[020] f.414b] quod quandoque stat⁵³ breve simul cum actione, sed corrigitur⁵⁴
[021] propter errorem vel defectum de errore impetrantis, videndum. Et
[022] sciendum quod error multiplex esse poterit, scilicet in personis et in
[023] nominibus et⁵⁵ cognominibus⁵⁶ personarum. Item in rebus et⁵⁷ in⁵⁸ locis,
[024] sicut in comitatibus et⁵⁹ villis et eorum nominibus, secundum quod
[025] superius dicitur in tractatu de disseisinis. Sed⁶⁰ esto quod aliquis⁶¹ summoneatur
[026] in alio⁶² comitatu quam in quo res est de qua⁶³ agitur, et ubi
[027] summonitus nullum tenementum habet⁶⁴ nec feodum, in actione reali,
[028] licet vicecomes⁶⁵ præsit⁶⁶ duobus comitatibus sicut dici poterit de vicecomite
[029] Essexiæ et⁶⁷ Herefordiæ, et nominatur in brevi tantum vicecomes
[030] Essexiæ⁶⁸ et res petita fuerit in comitatu Herefordiæ, cadit breve. Si
[031] autem uterque comitatus nominatur⁶⁹ valet. Si autem actio fuerit personalis,
[032] videtur tamen adhuc quod valere debeat, licet summonitus

Notes

39. vel in, V, OB.

38-40. Om., OA, MG.

41-42. Om., OA, MG.

43. diversitatem, OA, OC, MG, CE, MA.

44-45. actiones plures, V, OB, MA, MB, Y.

46. cadit, MC, LA, OC, CE.

47-48. Om., OA, MG.

49-50. Om., OA, OB, MB, MG.

51. defertur, OC, MG, CE; deffertur, OA; differt, MA.

52. dicit, OA, MG, MC, LA, CM, Y.

53. stet, MA; fiat, MC; om., OA, MG.

54. corrigatur, OB, MA, V.

55. et in, MC, LA, Y.

56. cognitionibus, OA, OB, LA, MG.

57. Om., OA, MC, MG, CM, LA, Y.

58. Om., OB, OC, CE.

59. Om., OA, MA, MB.

60. Item., OC, CE, MA.

61. quis, V, OB, MA, MB.

62. aliquo, MB, MC, LA, CM.

63. quo, MA, OC, CE.

64. habeat, MC, LA; habuit, MA.

65. autem, OA, MG.

66. possit, MA, MB, CM; præsumpserit, OA.

67-68. Om., OA, MA, LA.

69. nominetur, OB, MA, MB, Y; -antur, OC, CE; om., CM.