Bracton: Thorne Edition: Latin. Volume 4, Page 270

Harvard Law School Library

Bracton Online -- Latin

Volume 4, Page 270

Next

Go to Volume: Page:

[001] Sancti Hillarii anno regis Henrici decimo comitatu Norfolciæ, de Ricardo
[002] Olive.

De iudicibus qui fraudulenter simul faciunt suas commonitiones ut facilius procedant ad excommunicationem.

[004] SUNT re vera iudices qui cum citatus comparuerit de re ad cognitionem
[005] suam non pertinente,¹⁷ ut prohibitionem evadere possint facta editione
[006] sine¹⁸ scriptis, et¹⁹ denegato ei beneficio deliberationis, faciant²⁰ ei tres
[007] commonitiones quamlibet post aliam primo die litis, et nisi²¹ satisfecerit
[008] eorum voluntati innodant eum vinculo excommunicationis, et pendente
[009] prohibitione, cum talis²² in huiusmodi excommunicatione perstiterit per
[010] f.408b] quadraginta dies, ut prohibitionis prosecutionem²³ evadant,²⁴ ad
[011] impetrationem eorundem iudicum²⁵ significat²⁶ ordinarius regi²⁷ quod talis
[012] in excommunicatione extitit²⁸ per tantum tempus, et procurat captionem
[013] per hoc breve.

De capiendo excommunicatum domino regi per episcopum directum.

[015] EXCELLENTISSIMO domino suo Henrico dei gratia etcetera, talis N. divina
[016] miseratione Exoniensis²⁹ episcopus salutem in eo qui dat salutem regibus.
[017] Serenitati regiæ præsentibus intimamus quod A. de N. propter ipsius
[018] contumaciam manifestam excommunicationis innodatus vinculo per
[019] quadraginta dies et amplius, in excommunicatione perseverans³⁰ ecclesiasticæ
[020] negligit parere censuræ claves ecclesiæ contemnendo. Quia vero³¹
[021] regia maiestas eorum insolentiam³² reprimere consuevit qui ecclesiasticis
[022] præceptis obedire negligunt³³ et mandatis, celsitudinis vestræ brachium
[023] invocamus, rogantes attentius quatenus dei et honoris³⁴ ecclesiæ intuitu
[024] quod minus valet ecclesia in hac parte dignetur regia supplere maiestas.
[025] Conservet vos altissimus. Si autem sit qui conqueratur domino regi quod
[026] ordinarius iudex vel delegatus ita malitiose procuraverit captionem quo
[027] minus sequi possit suam prohibitionem, statim fiat breve vicecomiti de
[028] non capiendo talem in hac forma.

Si episcopus vel alius ordinarius fraudulenter procuravit captionem.

[030] REX vicecomiti salutem. Ostendit nobis A. quod cum B. persona de tali
[031] loco implacitasset eum in curia christianitatis coram archidiacono tali
[032] et officiali tali, de quodam prato vel aliquo tali quod est laicum feodum

Notes

17. pertinentem, MA, MB.

18. in, OB, MA, MB, Y.

19. Om., OA, OB, MA, MB, Y.

20. faciat, OA, MC; -ient, MB; fiant, CM; faciunt, LA.

21. ubi, V, OB.

22. clericus, OB, MA (-cis).

23. persecutionem, MA, OC, CE; executionem, MG.

24. evadent, MA, MB; evaderet, OB.

25. iudicium, OA, MC; iudm., OB, MA; iudic., OC, CE, CM.

26. signat, OB, MA, MB, MG; signant, CM.

27. rei, MA, MB.

28. extiterit, OB, MA, MB, MG.

29. Oxon., CM; Lincollni, MG.

30. perseverantis, OC, CE; perseverat, CM; perseverant, MG.

31. non, OC, MG, CE.

32. solertiam, V; malitiam, CM; insolertiam, MC, LA, MA, OC, CE.

33. negligit, OC, CE, MB.

34. honore, OC, MG, CE (--ro).