Bracton: Thorne Edition: Latin. Volume 4, Page 27

Harvard Law School Library

Bracton Online -- Latin

Volume 4, Page 27

Next

Go to Volume: Page:

[001] per legem. Si autem nullam omnino habuerit probationem pro se,
[002] videtur quod tenens non habet⁶ necesse ei in aliquo respondere propter
[003] defectum probationis, quia deficere poterit⁷ probatio licet ius numquam⁸
[004] deficiat. <Secundum quod probatur in itinere episcopi Dunelmensis et
[005] Martini de Pateshilla in comitatu Eboraci anno regis Henrici tertio, de
[006] Raghenilda Murdake.> Et quod cadat⁹ breve videtur nisi sit qui sustineat,
[007] quod de gratia iustitiariorum possit et debeat ei subveniri per iuratam
[008] patriæ, sed cum causæ cognitione, vel quia forte instrumenta probationis
[009] deperdita sunt vel quia illa ad probationem suam faciendam ad manum
[010] non habuerit vel sine difficultate habere non poterit. Quo casu dabitur
[011] alius dies, ut de termino Paschæ anno regis Henrici quarto decimo comitatu
[012] Dorsetiæ, de Matillide¹⁰ quæ fuit uxor Stephani de Bosco. Si autem
[013] instrumentum probationis protulerit de¹¹ termino et dimissione et ei
[014] contradicatur, probetur veritas instrumenti per testes et per patriam,
[015] qua probata, adhuc erit necesse probare ingressum et terminum præteritum
[016] si contra excipiatur, alioquin inutilis erit actio. Si autem instrumentum
[017] ab initio concedatur et tenens excipiat de feoffamento, ut si concedat
[018] quod primo receperit ad terminum et quod infra terminum datum sit¹² ei
[019] in feodo tenementum, si petens feoffamento contradicat et cartæ, procedet
[020] inquisitio de feoffamento per testes et per¹³ patriam. Et quo casu si feoffamentum
[021] sufficiens sit et bonum, retinebit tenens et sic terminabitur
[022] negotium. Si autem feoffamentum nullum, sic recuperabit petens sine
[023] aliquo regressu¹⁴ quem tenens habere possit¹⁵ ad terminum, quia in eo
[024] quod se tenuit ad feodum tacite termino renuntiavit. Si autem petens
[025] pro¹⁶ se nullam habeat probationem nisi simplex dictum et simplicem
[026] vocem de dimissione et termino, et tenens ex abundantia, licet ad hoc
[027] non teneretur, proferat cartam de feoffamento quæ dedici non possit,
[028] tenens in seisina sua remanebit. Ut de ultimo itinere Martini de Pateshilla
[029] in comitatu Suffolciæ de Willelmo de Wantham et Matillide¹⁷ uxore eius.
[030] Nec etiam tenens sive petens audiendus¹⁸ esset¹⁹ si se ponere vellet super
[031] patriam de ingressu suo cum nullam habeat pro se præsumptionem, nec
[032] contra cartam ut videtur respondere poterit quæ proponitur in modum
[033] exceptionis cum actio sua non teneat super principali. Item esto quod
[034] petens dicat quod tenens non habeat ingressum nisi per A., et tenens
[035] respondeat et dicat quod ingressum habeat per ipsum petentem vel
[036] aliquem antecessorem suum qui dederint, recognoverint vel remiserint

Notes

6. habeat, MC, LA.

7. potest, OB, MA, MB.

8. non, OB, MA, MB, Y.

9. cadit, MA, MB, CE, CM.

10. Matilda, OC, MG, CM.

11. ut de, OB, MB.

12. fuit, OB, MA, MB.

13. Om., MC, LA.

14. ingressu, OB, MA, MB, OC, LA, MC.

15. posset, OB, MA, MB.

16. per, OC, MG.

17. Matild., MSS. var.

18-19. est audiendus, OB, MA, MB.