Bracton: Thorne Edition: Latin. Volume 4, Page 261

Harvard Law School Library

Bracton Online -- Latin

Volume 4, Page 261

Next

Go to Volume: Page:

[001] hereditatis petitione prius moveri debet placitum in curia nostra, et cum
[002] ibi obiecta fuerit bastardia, tunc deinde transmitti debeat recordum loquelæ
[003] et cognitio bastardiæ ad curiam christianitatis, ut ibi ad mandatum
[004] nostrum de legitimitate inquiratur, quod quidem non est in hac parte
[005] observatum. Et cum hoc sit manifeste contra consuetudinem regni nostri,
[006] quod habita vel habenda inter aliquos¹⁸ contentione de iure successionis,
[007] debeatis ad inquisitionem de legitimatione procedere antequam a nobis
[008] hoc vobis fuerit demandatum, vobis prohibemus etcetera ut supra.

Si cum petens tenenti vel e converso bastardiam obiceret, et mortuo eo cui fuit obiectum, velit iudex inquirere de legitimatione filii cum hoc non sit ei demandatum.

[010] EST etiam alterius modi prohibitio cum petens tenenti bastardiam obiecerit,
[011] et ordinario loci fuerit inquisitio demandata, si mortuo petente vel
[012] tenente velit ordinarius sine novo mandato in persona heredis ad inquisitionem
[013] procedere. Rex tali ordinario salutem. Ostendit nobis A. filius et
[014] heres B. quod cum¹⁹ C. in curia nostra coram iustitiariis ultimo itinerantibus
[015] in comitatu tali peteret versus eundem B. tantum terræ etcetera, per
[016] assisam mortis antecessoris inde ibi inter eos summonitam, et idem B.
[017] obiecerit²⁰ eidem C. bastardiam in eadem curia, et cognitio vobis esset
[018] demandata, et pendente inquisitione illa idem B. diem clausit²¹ extremum,
[019] vos præfatum A. filium et heredem prædicti B. vocari fecistis in iudicium
[020] prædicta occasione, ut in persona heredis defuncti procedat²² inquisitio²³
[021] sine alio mandato, et quia si contingat quod altera partium inter quas
[022] agitur in curia nostra²⁴ decedat,²⁵ tota²⁶ loquela illa²⁷ cadit et²⁸ remanet,²⁹
[023] f.405b] nec³⁰ super eodem procedi poterit contra heredem defuncti nisi
[024] per breve nostrum de novo contra ipsum impetratum, vobis mandamus
[025] quod in cognitione præfatæ causæ³¹ contra præfatum A. de cetero non
[026] procedatis, donec a nobis aliud³² habueritis mandatum. Teste etcetera.

Quibus fieri debeat prohibitio.

[028] QUIBUS fieri debeat inquisitio videndum. Et sciendum quod tam ei qui
[029] tenet placitum quam ei qui sequitur, sive plures sint iudices delegati sive
[030] subdelegati, sive unus sicut³³ ordinarius quicumque, sive unus qui sequitur
[031] sive plures, licet prima facie videatur quod sufficere debeat si tantum iudici
[032] fiat prohibitio, quia si iudex procedere noluerit³⁴ non valebit quamvis
[033] querens sequi velit, quia non erit ibi iudicium quasi deficiente iudice. Si

Notes

18. alios, V, CM.

19. Om., OB, MA.

20. obiecit, Y, OB, MA, MB; obicerit, OA. MC, OC, CE.

21. clauserit, OA, LA, MC, OC, CE.

22. procedas, OB, MA, MB.

23-24. Om, OA, OB, MA, MB, Y.

25. Om., Y, OB, MA, MB, MG; descendere, CM.

26. tunc, OB, MA.

27. Om., OB, OA, MB, Y.

28-29. Om., OB, MA, MB, Y.

30. vero, OA; ut, OC, CE, CM.

31. Om., OC, CE; ecclesiæ, MG.

32. a. inde, V, OB, MA; a. in. CM.

33. sit(sic), OB, MA, CM, MC, MG.

34. voluerit, MSS. var.