Bracton: Thorne Edition: Latin. Volume 4, Page 254

Harvard Law School Library

Bracton Online -- Latin

Volume 4, Page 254

Next

Go to Volume: Page:

[001] feodorum, et tunc fiat prohibitio in forma supra dicta. Si autem
[002] contentio fuerit²⁹ inter rectores de aliquibus decimis quæ æstimari possint³⁰
[003] usque ad quartam, quintam vel sextam partem advocationis, et ultra
[004] quam partem non extenditur³¹ prohibitio ut videtur, tunc fiat iudicibus³²
[005] prohibitio in hac forma.

Prohibitio si rectores ecclesiarum contendant inter se sine patronis.

[007] f.403] REX talibus iudicibus salutem. Indicavit nobis A. quod cum B.
[008] teneat de advocatione sua sextam partem ecclesiæ de N., talis abbas clamans
[009] prædictam sextam partem de advocatione B. trahit eum in placitum
[010] coram vobis in curia christianitatis. Quia vero manifestum est quod
[011] prædictus A. iacturam advocationis prædictæ sextæ partis ipsius ecclesiæ
[012] incurreret¹ si prædictus abbas in causa illa obtineret, vobis prohibemus ne
[013] in causa illa procedatis donec discussum fuerit ad quem illorum pertineat
[014] prædictæ sextæ partis advocatio. Quia placitum² etcetera ut supra. Et fiat
[015] clerico prohibitio qui sequitur in forma quæ consona sit prohibitioni factæ
[016] iudicibus. Poterit aliquando sine præiudicio alicuius de consensu patronorum
[017] ad breve quod dicitur Indicavit, si contingat quod decimæ petantur
[018] in foro ecclesiastico quæ sunt de alterius advocatione sive in toto sive pro³
[019] parte maiore, fieri possit⁴ inquisitio in curia domini regis tamquam de
[020] advocatione propter æstimationem decimarum, ubi ecclesia enormiter
[021] læsa est, ubi⁵ ecclesia recenter spoliata fuerit⁶ in hac forma, utrum videlicet
[022] talis præsentatus a tali patrono recenter fuerit⁷ in seisina de talibus decimis
[023] tamquam spectantibus ad ecclesiam suam quam tenet de præsentatione
[024] talis patroni sui, vel si talis alia persona inde fuit in seisina tali tempore ut
[025] de decimis spectantibus ad ecclesiam suam talem quam tenet de advocatione
[026] talis patroni sui.

Item alterius modi prohibitio si clericus præsentatus ab eo qui obtinuerit, implacitatus fuerit a clerico ipsius qui amisit in curia regis.

[028] EST et⁸ aliud genus prohibitionis, ut cum inter patronos contentio fuerit
[029] aliquando de iure præsentationis, et quilibet eorum clericum suum præsentaverit
[030] et pendente præsentatione unus obtinuerit, ad cuius præsentationem
[031] clericus admissus fuerit, si clericus qui ab alio⁹ patrono præsentatus
[032] fuerit clericum ita¹⁰ admissum coram iudicibus implacitaverit ratione
[033] præsentationis eius qui amisit, fiat eis prohibitio in hac forma.

Notes

29. fiat, OA, OB, MA, MB, Y.

30. possunt, OC, MG, CE, CM, MA.

31. ostenditur, MC, MG.

32. iudicium, CE, OC (corr. iudici); inde, MG.

1. incurret, MC, MB; incurrat, CM; intret, MA.

2. placita, OC, CE; plura, MG.

3. in, OC, CE, CM.

4. poterit, OB, MA, MB; fiat, CM; om., V.

5. ut si, V; inde, CE; mihi, OC.

6. est, OB, MA, CM.

7. fuit, OA, OC, CE, CM, Y.

8. etiam, OC, MG, CE.

9. aliquo alio, V; aliquo, MB; (a) vocato, OC, CE.

10. iam, OC, MG, CE, MC; tam, LA; causa, OA; om., CM.