Bracton: Thorne Edition: Latin. Volume 4, Page 193

Harvard Law School Library

Bracton Online -- Latin

Volume 4, Page 193

Next

Go to Volume: Page:

Si minor vocatus fuerit ad warantum.

[002] SI autem minor vocatus fuerit ad warantum de aliqua libertate sive per
[003] se sive cum⁷ aliis, semper inquiratur imprimis utrum antecessor minoris
[004] seisitus fuit de tali libertate ut de feodo anno et die quo fuit vivus et
[005] mortuus, ad hoc quod detur dilatio⁸ warantiæ vel non detur. Item vocari⁹
[006] poterit ad warantum et¹⁰ vocare tam ille qui tenet ad vitam sicut ille qui
[007] tenet in feodo, et eodem modo ille qui tenet ad terminum annorum.¹¹
[008] Et quod ille potest qui tenet ad terminum,¹² quamvis ratio se habeat
[009] in contrarium, probatur de¹³ itinere Willelmi de Ralegha in comitatu
[010] Warrewickiæ, de quadam Sibilla quæ dotem petiit, circa finem rotuli.

Quandoque maritus vocat uxorem ad warantum.

[012] MARITUS¹⁴ uxorem recte¹⁵ vocat ad warantum etiam sine auxilio curiæ
[013] <nisi ita sit quod femina quæ¹⁶ de costa viri sumpta fuit caput¹⁷ excedens
[014] viro suo dominetur> si uxor in brevi non¹⁸ nominetur, si recognitum fuerit
[015] vel convictum quod vir nihil teneat nisi nomine uxoris suæ, quamvis
[016] secundum quosdam potius deberet cadere breve: aliud tamen erit ut videtur
[017] si donationes factæ fuerint ante matrimonium cum seisina et usu
[018] per aliquod tempus, quod secus est constante¹⁹ matrimonio. Et quo casu
[019] vir recte vocat uxorem sicut aliam quamcumque personam, et cum warantizaverit
[020] et vir amiserit uxor tenebitur ad excambium, quod non est in
[021] primo casu. Si autem e converso si vir uxori donationem fecerit ante
[022] matrimonium et uxor per se sine viro implacitetur, non magis sine viro
[023] respondebit quam de alia hereditate sua, et ipsum ut videtur vocare²⁰
[024] poterit ad²¹ warantum, et si amiserit quod vir teneatur ad excambium,
[025] secundum quod dicitur de uxore. Cum autem vir et uxor simul placitaverint
[026] et petant et vir attornatus fuerit uxoris, et ille qui tenet postmodum
[027] uxorem vocaverit ad warantum, oportebit quod ipsa iterum compareat
[028] in curia et attornatum faciat virum suum vel alium in placito
[029] warantiæ, quia vir non est attornatus in placito illo quamvis in placito
[030] principali, secundum quod videri poterit de itinere Martini de Pateshilla
[031] in comitatu Eboraci anno regis²² Henrici decimo, de Petro de Malo
[032] Lacu et Isabella uxore eius et Iohanne de Besacre. Et sic fiat in omni
[033] placito cum tenens warantum vocaverit quod petens faciat attornatum de
[034] novo, quod quidem non est de tenente.

Notes

7. per, OC, CE, MG (alios).

8. donatio, Y, OA, OB, MB; do., MA.

9. Om., OC, MG, CE.

10. Om., OC, MG, CE.

11-12. Om., OB, MA, MB, MG, CM.

13. in, V, LA, MB, CM.

14. m. quandoque, OC, CE, CM.

15. Om., OC, CE, CM.

16. Om., OC, MG, CE.

17. et capit, OC, MG, CE.

18. Om., OB, MA, MB.

19. Om., OC, CE, MG (om. est).

20. advocare, MC, LA.

21. in, MC, LA.

22. regni regis, OC, MG, CE.