Bracton: Thorne Edition: Latin. Volume 4, Page 185

Harvard Law School Library

Bracton Online -- Latin

Volume 4, Page 185

Next

Go to Volume: Page:

[001] sciendum est quod non fit relatio pertinentiarum ad ipsum ius immo ad
[002] ecclesiam, secundum quod construitur lignis²⁰ et lapidibus, et non secundum
[003] quod ingressus et egressus pertinet ad ius pascendi et huiusmodi,
[004] et refectio ad ius eundi. Nec obstat quod dicitur quod in assisa ultimæ
[005] præsentationis iuratores videre²¹ debeant²² ecclesiam illam ad quam fit
[006] præsentatio, quia hic nihil agitur de iure, sed quod ecclesia ad quam
[007] præsentatur designetur, secundum quod lignis et lapidibus construitur:
[008] et quæ quidem omnino sunt diversa licet quoddam modo connexa.²³
[009] <Et aliquando petitus fuit visus de advocatione ecclesiæ quia diversæ
[010] fuerunt ecclesiæ in eadem villa, sed postea per iudicium revocatus et ita
[011] quod breve de visu remansit, quia ecclesia in qua advocatio petebatur alio
[012] modo designari potuit per hoc quod tantundem valuit, scilicet advocationem
[013] ecclesiæ beati Petri. De hac materia de termino Sanctæ Trinitatis
[014] anno²⁴ secundo post guerram comitatu Cantiæ,²⁵ de abbate de Nutleye.>

Si ius advocationis capi debeat in manum domini regis.

[016] SED cum ius advocationis ecclesiæ incorporale sit, et per defaltam tenentis
[017] f.378b] aliquando præcipiatur²⁶ vicecomiti quod illam capiat in manum²⁷
[018] domini regis, cum sit incorporale, invisibile, impalpabile, et quod palpari
[019] non potest, qualiter potest in manum²⁸ domini²⁹ regis³⁰ capi, quod videtur
[020] esse impossibile? Respondeo:³¹ re vera nullum ius esse poterit sine corpore
[021] et subiecto cui adhæreat. Si autem dicatur quod adhæreat fundo vel
[022] tenemento in quo ecclesia³² sita est, tunc videtur prima facie quod capi
[023] debeat fundus, et per consequens ius advocationis illius.³³ Sed fundus
[024] non capitur quia ius advocationis fundo non³⁴ adhæret immediate, sed
[025] per medium³⁵ quod est³⁶ ecclesia talis, secundum quod construitur lignis
[026] et lapidibus et secundum quod superius³⁷ dictum est, ius advocationis talis
[027] ecclesiæ³⁸ et non ius advocationis talis³⁹ fundi. Et ideo cum ius advocationis
[028] adhæreat ecclesiæ dicatur⁴⁰ vicecomiti quod capiat ecclesiam in manum⁴¹
[029] domini regis simplici captione, et per consequens capit id quod inest
[030] corpori, sicut videri poterit de iure pascendi et huiusmodi.

Ubi visus iacet vel tantundem.

[032] UBI visus iacet? Et dico quod iacet generaliter. Imprimis de omnibus
[033] terris petitis per breve de recto aperto,⁴² vel per⁴³ alia brevia clausa in
[034] quibus pervenitur ad duellum, et maxime propter sacramentum campionum

Notes

20. ex lignis, MSS. var.

21-22. videbant (videant), OB, MA, MB.

23. annexa, LA, MA.

24. anno regis Henrici, CM, OC (regni regis).

25. Cantebrigiæ, CM, MM.

26. præcipitur, OC, MG, CE.

27. manu, OC, MG, CE.

28. manu, OC, MG, CE.

29-30. Om., OA, MC, LA, CM, Y.

31. sic, OB, MA, MB, MC; responsio, Y, V; ro., MSS. gen.

32. etiam, OC, MG, CE.

33. i. ecclesiæ, V, MA.

34. Om., MA, MB, CM.

35. modum, MC, LA.

36. Om., OB, MA, MB.

37. inferius, OC, MG, CE.

38-39. Om., OB, MA, MB.

40. dicat, OA, LA, MC, MG, CM; dicant, OC, CE; om., Y.

41. manu, OC, MG, CE.

42. apertum, Y, OB, MA, MB (apert.).

43. Om., MC, LA, CM.