Bracton: Thorne Edition: Latin. Volume 4, Page 177

Harvard Law School Library

Bracton Online -- Latin

Volume 4, Page 177

Next

Go to Volume: Page:

[001] anno regis Henrici quarto comitatu Wiltoniæ, de Willelmo de Lusteshulle
[002] et Willelmo de Covelesfeld.²⁸ Et nisi de omnibus fiat mentio cadit assisa.
[003] Item si ab eo incipiatur narratio qui numquam fuit in seisina cadit similiter
[004] f.375b] actio, et petens ammitit si hoc fuerit recognitum. Ut de termino
[005] Sanctæ Trinitatis anno regis Henrici tertio circa finem rotuli. Item
[006] eodem modo si erratum fuerit in persona eius de cuius seisina petitur, ut
[007] si quis petat de seisina matris ubi petere deberet²⁹ de seisina patris vel e
[008] converso. Et idem erit si erratum sit in nominibus propriis, ut si antecessor
[009] vocetur uno nomine et nominandus esset alio. Et idem dici poterit de
[010] omnibus aliis nominandis in descensu. Item idem erit si aliquis omittatur
[011] qui nominari deberet,³⁰ vel³¹ si aliquis gradus prætermittatur. Item idem
[012] erit si erratum fuerit in re petita, ut si una res petatur pro alia. Item si
[013] quis³² omiserit aliquem in narratione descensus qui plus iuris habuerit,
[014] vel tantundem quantum habet ille qui petit. Et de hac materia inveniri
[015] poterit de termino Sancti Hillarii et de termino Paschæ anno regis Henrici
[016] quinto circa finem rotuli. Item si petatur de seisina alicuius per descensum
[017] qui villanus fuit. Et si excipiatur ipsum esse liberum, procedet³³ magna
[018] assisa inter petentem et tenentem per verba inferius exprimenda.

Quibus possit ius descendere.

[020] ITEM videndum quibus ius descendere possit. Et sciendum quod liberis
[021] hominibus heredibus et³⁴ recta linea descendentibus, tam masculis quam
[022] feminis præsentibus et absentibus, tam illis qui plenæ ætatis sunt quam
[023] illis qui sunt infra ætatem. Item tam idiotis³⁵ quam discretis. Item tam
[024] mente captis quam illis qui sunt sanæ mentis, quod quidem dici posset³⁶
[025] de furiosis sive gaudeant dilucidis³⁷ intervallis sive non. <Et hoc quia
[026] descensus iuris non requirit consensum heredis, sed consensum requirit
[027] aditio hereditatis³⁸ iuris descensus, quia absenti et ignoranti descendit ius,
[028] sed seisina sine consensu non adquiritur.> Tales enim cum animum non
[029] habuerint adquirendi in tali statu adquirere non poterunt seisinam si
[030] furor sit perpetuus, sed³⁹ si non perpetuus,⁴⁰ tunc poterunt retinere⁴¹ sicut
[031] quilibet minor, tutore tamen auctore vel⁴² per se. Et cum semel possidere
[032] inceperint furiosi et mente capti, numquam in tali statu desinere possunt
[033] possidere durante furore non magis quam minor ante ætatem. Sed hoc
[034] facere possunt⁴³ stulti et⁴⁴ idiotæ⁴⁵ quia habent consensum et dissensum,⁴⁶

Notes

28. Chevelesfeld., Coulefelde, Covelesfeude, Conelfend., Odulefelde, MSS. var.

29. debet, MC, LA; debeat, MG.

30. debet, OB, MB; om., MA.

31. ut, MC, LA, MB, CM.

32. aliquis, MC, LA.

33. et p., MC, LA; procedit, V, OC, MG, CE; -dat, MA.

34. a, V; ex, MB; om., CM.

35. i(y)deotis, V, MSS. var.

36. possit, OC, MG, CE.

37. de d., MC, LA.

38. h. non, OC, MG, CE.

40. sit p., MC, LA, CM.

41. Om., OA, OB, MA, MB, Y.

39-40. Om., OB, MA, MB.

42. ut, OC, MG, CE.

43. non p., V.

44. Om., OC, MG, CE.

45. i(y)deotæ, V, MSS. var.

46. di(e)scensum, OC, MG, CE.