Bracton: Thorne Edition: Latin. Volume 4, Page 151

Harvard Law School Library

Bracton Online -- Latin

Volume 4, Page 151

Next

Go to Volume: Page:

Quid fieri debeat in placito advocationis post defaltam.

[002] DICITUR in præcedenti quod res petita capi debet in manum³ domini regis.
[003] Esto igitur quod in placito advocationis fieri debeat captio in manum
[004] domini regis, sed cum ius advocationis incorporale sit et invisibile nec tangibile,
[005] qualiter ergo capi poterit in manum domini regis quod videri non
[006] poterit neque tangi? Erit igitur officium vicecomitis in hac parte, quod
[007] assumptis secum probis et legalibus hominibus vicinis accedat ad ecclesiam
[008] cuius advocatio petitur, et ibi publice protestetur coram probis
[009] hominibus quod seisiat in manum⁴ domini regis ecclesiam illam, et per
[010] consequens ius advocationis quod est in corpore ecclesiæ, licet illud ius sit
[011] incorporale. Et cum ceperit corpus in manum⁵ domini regis quod est visibile
[012] et tangibile, per consequens capit id quod est in corpore licet invisibile
[013] et non tangibile. Ius enim sine subiecto vel corpore cui insit esse non
[014] poterit. Et vulgaliter⁶ dicitur, talis habet vel petit ius advocationis talis
[015] ecclesiæ, et non talis manerii. Et ideo non est necesse quod manerium
[016] capiatur, licet ecclesia sita infra manerium aliquod sit de pertinentiis
[017] manerii. Continetur etiam in brevi de captione quod tenens summoneatur
[018] quod sit responsurus et⁷ ostensurus⁸ de principali placito etcetera.⁹ Ad
[019] quod sciendum quod ad talem summonitionem numquam sequetur¹⁰
[020] essonium quia prius oportebit tenentem respondere de defalta. Item nec
[021] dies rationabilis propter contumaciam, scilicet quindecim dierum, non
[022] magis quam ad disseisinam propter roberiam. Summonitores tamen venire
[023] debent coram iustitiariis si opus fuerit ad testificandum summonitionem.

Qualiter defenditur summonitio et sursisa per legem.

[025] AD diem vero summonitionis per breve de captione aut venit tenens aut
[026] non venit. Si autem venerit, tunc imprimis quæratur a petente utrum se
[027] tenere voluerit ad capitale¹¹ placitum¹² vel ad defaltam. Si autem¹³ ad
[028] capitale¹⁴ placitum, tunc¹⁵ quasi renuntians defaltæ statim et eodem die ad
[029] capitale placitum¹⁶ petenti respondebit. Si autem se tenuerit ad defaltam,
[030] tunc habet tenens necesse defendere summonitionem et sursisam, et
[031] similiter aliquando essonia tam de malo veniendi quam de malo lecti si
[032] fuerint interiecta, ubi oportet quod diligens fiat examinatio ad cautelam.
[033] Si autem simpliciter defendat summonitionem et sursisam, et appareant
[034] summonitores qui summonitionem testificentur¹⁷ nisi prius fuerit sufficienter

Notes

3. manu, OC, MG, CE.

4. manu, MA, OC, MG, CE.

5. manu, OC, MG, CE.

6. vulgariter, V, OC, MG, CE.

9. et ostensurus etc., V, LA, OA, OC, MG, CE, CM, Y.

7-8. Om., V, CM.

10. sequatur, OC, MG, CE; sequitur, MC, CM.

11. principale, V, OB, MA, MB, MG, Y.

12. p. vel capitale, V, OB, MB, Y.

13. Om., MG, CE.

14. principale, OB, MA, MB, MG.

15-16. Om., OA, OB, MA, MB, Y.

17. testentur V; testantur, OC, MG, CE.