Bracton: Thorne Edition: Latin. Volume 4, Page 144

Harvard Law School Library

Bracton Online -- Latin

Volume 4, Page 144

Next

Go to Volume: Page:

[001] B. de placito terræ in comitatu tuo vel in alio tali comitatu sit languor vel
[002] non. Et si sit languor, tunc ponant ei diem a die visus sui in unum annum
[003] et unum diem quod tunc sit ad proximum comitatum. Et si convaluerit
[004] antequam visus testatus fuerit, bene poterit comitatus dare licentiam surgendi
[005] essoniato, secundum quod in curia domini regis observatur. Quam
[006] quidem si comitatus essoniato denegaverit, ad querelam ipsius poterit
[007] dominus rex in defectum²² comitatus licentiam dare surgendi.²³ Et eodem
[008] modo si loquela fuerit in curia baronis vel alterius qui curiam habet,
[009] poterit dominus rex licentiam dare surgendi in defectum curiæ per tale
[010] breve. Forma brevis supra ubi petitur licentia surgendi et sic incipit:
[011] Ostensum est nobis. In fine notandum quod si essoniatus ad diem sibi
[012] datum per visores non venerit, excusari poterit a defalta propter casus
[013] fortuitos et legitima impedimenta intervenientia si²⁴ probentur,²⁵ secundum
[014] quod supra tactum est in parte et inferius dicetur plenius²⁶ de defaltis.

De essonio de malo villæ.

[016] EST etiam inter alia essonia essonium²⁷ anormalum²⁸ eo quod non sequitur
[017] regulam aliorum essoniorum, quod dicitur essonium de malo villæ, ubi
[018] quis primo die in curia comparuerit et se obtulerit et²⁹ sine responso³⁰
[019] eodem die recesserit,³¹ si propter infirmitatem aliquam supervenientem
[020] a³² loco ubi hospitatus fuerit et receptus se transferre non possit nec ad
[021] curiam venire, mittere debet ad curiam duos essoniatores, qui re vera
[022] essoniatores dici non possunt quia diem non recipiunt, sed nuntii et excusatores,
[023] qui in curia publice protestantur³³ quod talis tali infirmitate
[024] detentus est³⁴ in eadem villa, vel in alia tali ubi pernoctavit,³⁵ quod ad
[025] curiam venire non potest pro lucrari neque pro perdere, et sic recedant. Et
[026] eodem modo mittat secundo die duos sed alios a duobus primis. Et eodem
[027] modo tertio die sed diversos a primis, et sic excusatur usque ad quartum
[028] diem. Et quarto die³⁶ mittantur ad infirmum ex parte iustitiariorum quatuor
[029] milites si in curia vel in villa inveniantur, ad audiendum³⁷ quem³⁸ talis
[030] loco suo attornare voluerit ad lucrandum vel perdendum in loquela quæ
[031] est inter ipsum et talem petentem. Si autem ipsum ibi invenerint, capient
[032] attornatum si ipse personaliter venire non possit. Si autem in villa tali non
[033] inveniatur³⁹ et hoc testetur per quatuor milites, erit tenens in defalta ac
[034] si essoniatus esset de malo lecti. Sed non omni competit essonium istud nec
[035] omni loco.

Notes

22. defectu, V, CE.

23. Om., OA, OC, CE, CM.

25. probetur, MC, LA.

24-25. Om., OA, OB, MA, MB, Y.

26. Om., OB, MA, MB, Y.

27. e. quod dicitur, OC, CE.

28. sic, OB, MA, MB, Y, MC; anumalum, OA, LA; anormal. (anormale?), CM; minor malum, OC, CE; a quatuor malum, MG.

29-30. in fine respondere, OC, CE, MG (responsio).

31. recessit, OB, MA, MB; recissit, OC, CE.

32. in, OC, CE.

33. protestentur, OB, MA, MB, Y.

34. Om., OC, CE, MG.

35. provocavit, OC, MG, CE.

36. Om., OB, MA, MB.

37. videndum, MC, LA.

38. quod, OB, MA, MB.

39. inveniantur, OC, MG.