Bracton: Thorne Edition: Latin. Volume 4, Page 124

Harvard Law School Library

Bracton Online -- Latin

Volume 4, Page 124

Next

Go to Volume: Page:

[001] imprimis summonitionem²² et sursisam et²³ quod numquam²⁴ summonitus
[002] fuit. Item utrum essonium²⁵ tam²⁶ de malo veniendi quam de malo lecti,
[003] et tunc fiat ut supra dictum est de summonitionibus²⁷. Si autem essonium
[004] f.356b] factum fuerit postquam comparuerit²⁸ in curia et diem habuerit,
[005] diem datum non poterit dedicere contra recordum curiæ. Et unde si postea
[006] dedixerit primum essonium de malo veniendi post diem datum in
[007] curia, concedit per consequens defaltam esse factam, et sic amittet seisinam
[008] per iudicium propter defaltam: et multo fortius si dedixerit utrumque
[009] essonium tam de malo veniendi quam de malo lecti. Item veniunt milites
[010] ad videndum et inveniunt eum vagantem per curiam et per rura, et tunc
[011] ad eorum testificationem fiat ut in²⁹ proximo supra. Item veniunt milites
[012] ad videndum et inveniunt eum in lecto sicut decet taliter³⁰ essoniatum,
[013] discalciatum et sine braccis et discinctum³¹, vel forte nudum quod plus
[014] est. Cum fuerit interrogatus aut confitetur se esse essoniatum aut omnino
[015] dedicit essonium. Si autem essonium dedixerit, tunc ad eorum testificationem
[016] fiat ut supra. Si autem essonium confiteatur, tunc diligenter inquirant
[017] milites de qualitate infirmitatis et de eius circumstantiis, et
[018] utrum latens et intrinseca vel in aperto³² et extrinseca, ut inde respondere
[019] possint si forte fuerint requisiti. Et secundum quod viderint et iudicaverint
[020] dabunt ei malum transiens vel³³ languorem. Si autem adiudicaverint ei
[021] malum transiens³⁴, forte in præsentia petentis dabunt ei diem certum in
[022] brevi comprehensum, quod tunc veniat vel sufficientem pro se mittat
[023] responsalem. Ad quem diem si milites venerint et petens et tenens, procedat
[024] loquela debito modo. Si autem petens et tenens comparuerint, et
[025] milites tantum unus vel duo vel tres sine quarto vel forte nullus, si petens
[026] confiteatur visum³⁵ rite esse factum, sufficit eius testimonium. <Item si
[027] petens venerit ad communem³⁶ diem³⁷ et visores non³⁸, et cognoverit³⁹
[028] quod essoniatus de malo lecti visus fuerit certo⁴⁰ die et quod visores
[029] dederunt⁴¹ ei languorem et diem apud turrim Londoniæ in⁴² unum annum
[030] et unum diem a die visus sui. Item dies dabitur petenti propter suam
[031] protestationem apud turrim, et si essoniatus tunc⁴³ non venerit, revertatur⁴⁴
[032] ad iudicium et procedatur contra milites quod veniant ad
[033] testificandum, et si venerit⁴⁵ forte essoniatus procedatur in placito principali.

Notes

22. summonitionibus, OC, CE.

23. Om., OB, MA, MB, OC, CE.

24. non, OC, MG, CE.

25. sic, OA, LA; essoniatus, V; esson., MSS. gen.

26. Om., V, OB, MA, MB.

27. summonitione, MG; esson., OC, CE.

28. comparuerint, OC, CE.

29. Om., OB, MA, MB, CM.

30. talem, MC, LA.

31. disinctum, dissininctum, disiunctim, MSS. var.

32. aperta, OC, CE; om. vel . . . extrinseca, MG.

33-34. Om., OC, MG, CE.

35. usum, OC, CE.

38. Om., OC, MG, CE.

39. cognoverint, OC, CE; convenerint vel cogn-. MG.

36-37. comitatum ad diem datum, OC, CE.

40. tertio, OC, CE.

41. dederint, OC, CE, MB, CM.

42. Om., OC, CE.

43. Om., OC, CE, OB, MA, MB.

44. tunc r., V, OB, MA, MB.

45. venerint, OC, CE; veniat, LA; ven., MC, iuraverit; MG.