Bracton: Thorne Edition: Latin. Volume 4, Page 123

Harvard Law School Library

Bracton Online -- Latin

Volume 4, Page 123

Next

Go to Volume: Page:

[001] habeas ibi hoc breve. Teste etcetera. Si in curia baronis vel alterius domini
[002] in placito de recto denegetur licentia surgendi essoniato, vel petens malitiose
[003] supprimat breve ne essoniatus videatur, tunc fiat senescallo curiæ
[004] breve domini regis in hac forma.

Si in curia baronis vel alterius denegetur licentia surgendi, dominus rex licentiam dabit in defectu talium.

[006] REX tali senescallo salutem. Ostensum est nobis ex parte A. quod cum B.
[007] in curia tua vel talis domini tui peteret tantum terræ versus ipsum A. per
[008] breve nostrum de recto, et idem A.⁸ essoniasset se de malo lecti versus
[009] eundem B. extra feodum domini tui, ita quod tu non potuisti facere eum
[010] videri, nec idem B. sibi perquisivit ut deberet quod idem A. secundum
[011] consuetudinem regni nostri per quatuor milites videretur, immo malitiose
[012] ipsum detinuit per longum tempus inclusum,⁹ et prædictus A. mitteret ad
[013] te ad prædictam curiam et peteret licentiam surgendi sibi dari et comparendi
[014] in eadem curia tua, ad respondendum eidem B. de eodem placito
[015] secundum legem terræ¹⁰ et consuetudinem regni nostri, tu ei in eadem
[016] curia tua licentiam surgendi denegasti, et quia in denegatione illius licentiæ
[017] prædicto A. manifeste¹¹ iniuriatum est, ei in defectum¹² tui ipsi
[018] licentiam surgendi dedimus, ad respondendum prædicto B. de prædicta
[019] terra secundum legem et consuetudinem regni nostri. Et hoc tibi et¹³
[020] præfatæ curiæ significamus. Teste etcetera. Et per hoc videri poterit quod
[021] dominus curiæ et ballivus dare possunt licentiam surgendi essoniato, et
[022] si tales multo fortius vicecomes et¹⁴ comitatus.¹⁵

Cum quatuor milites venerint ad locum ubi essoniatus iacere debet.

[024] QUATUOR¹⁶ milites legitime missi post multas dilationes factas, vel¹⁷ statim
[025] infra primum diem, veniunt ad locum ubi essoniatus iacuerit vel iacere
[026] debuerit ad videndum etcetera. Et tunc aut inveniunt eum aut non inveniunt.
[027] Si autem ipsum omnino non inveniunt¹⁸ et hoc omnes simul¹⁹ ad
[028] diem datum testati fuerint, tunc ille qui essoniari debuit aut præsens est in
[029] curia aut non est præsens. Si autem præsens non fuerit, tunc capiatur
[030] terra in manum domini regis vel per magnum cape vel²⁰ per parvum²¹,
[031] secundum quod essonium factum fuerit antequam tenens in curia comparuerit
[032] vel post, et secundum hoc procedatur contra ipsum ad defaltam, et
[033] secundum quod inferius plenius dicetur de defaltis. Si autem præsens fuerit
[034] et essonium omnino dedixerit, tunc refert utrum essonium factum fuerit
[035] ante apparitionem in curia vel post. Si autem ante, bene potest defendere

Notes

8. Om., OC, MG, CE.

9. inclausum, OC, CE; intrusum, MG.

10. Om., V, LA, CM.

11. manifestum, OC, CE.

12. defectu, V; per defectum, LA.

13. Om., OC, CE.

14-15. in comitatu, OC, MG, CE.

16. cum autem q., OC, CE.

17. et, OC, MG, CE.

18. invenerint, V, OA, CM; venerint, LA; veniunt, OB.

19. Om., V, OC, MG, CE.

20-21. Om., OC, MG, CE.