Bracton: Thorne Edition: Latin. Volume 4, Page 122

Harvard Law School Library

Bracton Online -- Latin

Volume 4, Page 122

Next

Go to Volume: Page:

[001] ante visum factum et testatum, propter iter iustitiariorum facta fuerit
[002] publica declamatio quod omnes loquelæ quæ atterminatæ fuerint
[003] coram iustitiariis de banco et non terminatæ remaneant sine die? Cum
[004] adhuc loquela inter petentem et essoniatum integra sit in banco,
[005] bene poterit essoniatus sine licentia surgere propter talem declamationem.
[006] Si autem visus⁴² factus fuerit et testatus et dies datus
[007] partibus apud turrim ulterius, non poterit essoniatus surgere nec cum
[008] licentia nec sine, quia loquela non fuit in banco die declamationis factæ.

Qualiter petenda sit licentia surgendi.

[010] VIDENDUM erit qualiter licentia peti debeat surgendi. Et sciendum quod
[011] ad petendum licentiam surgendi debet essoniatus mittere quem voluerit,
[012] qui dicat quod talis qui se essoniavit de malo lecti convaluit de infirmitate
[013] sua et petit licentiam surgendi. Et sic irrotulabitur coram iustitiariis qui
[014] illius loquelæ habuerint⁴³ cognitionem: Talis qui se essoniavit de malo
[015] lecti versus talem de placito terræ in tali comitatu, mandavit per talem
[016] quod convaluit de infirmitate sua et quod nondum visus est, et petit licentiam
[017] surgendi et habet. Et dicatur nuntio quod scire faciat essoniato quod
[018] statim et⁴⁴ sine mora veniat ad curiam, et ubi⁴⁵ dicetur ei quod observet
[019] diem suum. Et ideo dicetur ei quod statim veniat, ne cum⁴⁶ petens inveniat
[020] eum vagantem ignorans sibi datam esse⁴⁷ licentiam, ipsum ceperit et in
[021] prisona detinuerit, quod si fecerit succurritur essoniato per tale breve.

Si tenens post licentiam petitam et obtentam arrestatus fuerit per adversarium, breve.

[023] REX vicecomiti salutem. Si A.⁴⁸ fecerit te securum etcetera, summone
[024] tales⁴⁹ etcetera quod sint⁵⁰ coram iustitiariis etcetera ad talem terminum,
[025] ad respondendum tali quare contra pacem nostram ceperunt ipsum⁵¹ et
[026] ipsum captum in prisona detinent⁵², in domo eiusdem talis apud talem
[027] locum, occasione placiti quod est in curia nostra coram iustitiariis nostris
[028] etcetera inter ipsum talem petentem et eundem⁵³ tenentem, de tanta terra
[029] f.356] cum pertinentiis in tali villa, unde idem talis in eadem curia nostra
[030] etcetera essoniavit se de malo lecti versus eundem talem petentem, et
[031] unde iidem¹ iustitiarii nostri dederunt eidem licentiam surgendi per²
[032] defaltam³ ipsius talis petentis, eo quod de ipso visum fieri⁴ non fecit ut idem
[033] B. dicit. Et interim⁵ ipsum⁶ B. deliberari facias⁷, nisi ex aliqua alia causa
[034] captus fuerit quare secundum legem terræ deliberari non debeat. Et

Notes

42. Om., OC, MG, CE.

43. habent, OB, MA, MB.

44. Om., MC, LA.

45. ibi, V, CM.

46. Om., OC, CE.

47. Om., OB, MA, MB, Y.

48. Om., OB, OC, CE; talis, Y.

49. Om., OB, MA, MB; talem, Y.

50. Om., OB, MB; sit, OA, MA, Y.

51. eum, OC, MG, CE.

52. detinet, V, OB, MA; detinuerunt, MG.

53. e. talem, V, OB, MA, MB, CM.

1. sic, OA, LA; idem, MSS. gen.

2-3. pro defectu, OB, MA, MB.

4. Om., OC, MG, CE.

5. iterum, OB, MB, OC, MG, CE, Y.

6. idem, OC, MG, CE.

7. facit, OC, CE; fecit, MG.