Bracton: Thorne Edition: Latin. Volume 4, Page 120

Harvard Law School Library

Bracton Online -- Latin

Volume 4, Page 120

Next

Go to Volume: Page:

[001] Et dicatur in fine brevis ita: et unde prædicti E. et F. in curia nostra
[002] coram iustitiariis nostris talibus dixerunt quod prædicti C. et D. non
[003] fuerint in partibus illis, et quod² pro defectu eorum non poterunt visum
[004] facere de prædicto B. Et dic³ prædictis militibus quod sint coram præfatis
[005] iustitiariis etcetera⁴, simul cum prædictis E. et F. ad prædictum terminum
[006] ad testificandum visum suum et quem diem ei posuerunt⁵. Et si forte
[007] vicecomes contra formam brevis elegerit tales qui non fuerint⁶ præsentes
[008] et extra comitatum, tunc dicatur in fine: et tu ipse tunc sis ibi auditurus
[009] iudicium tuum de hoc quod prædictos C. et D. qui absentes fuerunt et
[010] extra comitatum elegisti ad videndum, desicut⁷ præsentes misisse debuisti⁸,
[011] et ita quod loquela illa per hoc tantam cepit dilationem. Et habeas ibi
[012] hoc breve et nomina militum quos de novo miseris. Teste etcetera. Si
[013] autem contingat quod omnes moriantur antequam viderint vel⁹ cum
[014] viderint antequam testificentur, tunc de novo mittantur alii. Item si ad
[015] primum diem nec milites venerint¹⁰ nec essoniatus nec vicecomes miserit
[016] breve, offerente se liti petente, quia nescitur quid actum sit vel¹¹ quia forte
[017] nihil actum est, de novo præcipiatur vicecomiti quod mittat quatuor
[018] milites, et ipse sit auditurus iudicium suum¹² quod¹³ primum breve non
[019] misit etcetera. Si autem ad primum diem nec milites venerint nec vicecomes
[020] miserit breve, et essoniatus venerit primo die et petens, tunc
[021] procedat¹⁴ inter eos loquela, nisi forte sit quod¹⁵ petens obicere velit tenenti
[022] quod tenens sine licentia surrexerit vel¹⁶ sine visu militum, vel si per
[023] visum militum surrexerit et petens¹⁷ se tenuerit ad defaltam, dixerit quod
[024] alii milites viderunt eum quam¹⁸ ad ipsum missi fuerunt¹⁹, omnes vel
[025] quidam ex illis, vel quod surrexit²⁰ per visum aliorum quam²¹ militum,
[026] scilicet liberorum hominum, vel per visum militum et similiter per visum
[027] liberorum hominum, qui forte in ipso visu faciendo assumpti fuerunt per
[028] imperitiam ad videndum cum²² militibus. Ut de termino Sancti Michælis
[029] anno regis²³ Henrici nono incipiente decimo comitatu Warrewickiæ, de
[030] Rogero Levelaunce²⁴ petente et Ricardo de Gloucestria tenente et²⁵
[031] essoniato²⁶, et ubi assumptus fuit serviens regis pro quarto milite. Et cum
[032] petens ita se tenuerit ad defaltam oportebit inquirere veritatem. Si autem

Notes

2. Om., V, OB, MA, MB.

3. dicit, OA, OC, CE.

4. Om., OC, MG, CE.

5. posuerint, OC, CE, MC, LA; om., MG.

6. fuerunt, OB, MA, CM; f. ibi, OC, MG, CE.

7. C. sicut, OC, MG, CE.

8. debuistis, OC, MG, CE.

9. et, OB, MA, MB.

10. venerunt, OC, CE.

11. nihil, OC, CE.

12. Om., OC, MG, CE.

13. de hoc quod, MC, LA; quia, OC, MG, CE.

14. procedet, OA, OB, MA, MB, CM, Y.

15. Om., OB, MA, MB.

16. et, OB, MA, MB.

17. tenens, OB, MA, MB.

18. qui, OB, MA, MB.

19. fuerint, OC, CE.

20. surrexerit, MA, CM.

21. quam per, OB, MA, MB.

22. eum, OC, CE.

23. regni r., OC, CE.

24. Levalaunce, Lovelaunce, le Valance, Levante, de le Valente, MSS. var.

25-26. de essonio, OB, MA, MB.