Bracton: Thorne Edition: Latin. Volume 3, Page 81

Harvard Law School Library

Bracton Online -- Latin

Volume 3, Page 81

Next

Go to Volume: Page:

[001] vel officii non mutatur nec etiam nomen proprium. Errari tamen poterit
[002] circa ea, unde et si exprimatur verum nomen et fiat error circa dignitatem
[003] vel officium tenet breve. Si autem fiat error circa nomen, et de dignitate vel
[004] officio non erretur, tenet breve: aliquando vero nomen proprium non exprimitur,
[005] et tunc tenet nomen dignitatis vel officii si circa ea non erretur,
[006] et tenet breve quantum ad eorum successores in causa civili ubi nulla
[007] sequitur pœna. Si autem actio fuerit pœnalis ex delicto, extenditur etiam
[008] ad successores non expresso proprio nomine, sed non ad pœnam sed
[009] quoad restitutionem si possit restituere. Si autem nomen proprium³ exprimeretur
[010] non esset ita. Officium vero et dignitas fere se habent ad idem.
[011] Sed quælibet dignitas est aliquod officium, sed omne officium non est
[012] dignitas. Officium vero bene potest esse sine dignitate ut officium vicecomitis
[013] et coronatoris. Item si diaconus nominetur pro sacerdote non expresso
[014] proprio nomine, vel e converso, cum sacerdos utramque contineat
[015] dignitatem.

De errore circa ipsam rem.

[017] ITEM quandoque fit error circa ipsam rem, ut si quis nominaverit vineam
[018] ubi nominare deberet⁴ ecclesiam: item lanceam ubi vestem. Rerum enim
[019] vocabula immutabilia sunt, hominum vero sunt mutabilia. Item error
[020] poterit esse in qualitate rei et quantitate. Item in pretio et in numero, pondere
[021] et mensura. Item in genere et colore. Item error poterit esse circa rem
[022] in loco, ut si quis dicat quod res sita sit in uno loco cum sita sit in alio.
[023] Sed error iste nocere non deberet cum per circumstantias colligi possit id
[024] quod petens in mente habuit. Eodem modo dici posset de distinctione
[025] agrorum ubi visus petitur, quia non refert utrum quid fiat vel quod⁵
[026] tantundem valeat.

De errore circa causam.

[028] ITEM fit error circa causam, ut si quis dederit intellegi impetrando quod
[029] iuste possideat, quod iniuste possederit, vel quod numquam possedit. In
[030] quo casu videndum si causa sit casualis, tunc non impedit processum. Si
[031] autem condicionalis impedit omnino.

De errore circa locum.

[033] ITEM poterit esse error circa locum, et si disseisitus impetraverit ad vicecomitem
[034] in cuius comitatu tenementum non fuerit, vel si dicat tenementum
[035] esse in una villa quod re vera est in alia, sicut plenius dicetur inferius.
[036] Plures autem sunt exceptiones contra breve inferius assignatæ in causa
[037] proprietatis, quarum quædam locum habent hic quædam vero non, et
[038] sicut quædam exceptiones quæ hic assignatæ sunt contra breve in causa
[039] possessionis locum habent hic et non ibi, et ideo omnes exceptiones contra

Notes

3. proprium non, OA, CE, Co.

4. debuit, OA, CE, CM; debet, MG; debent, MC.

5. Om., OB, MA, MB, CM.