Bracton: Thorne Edition: Latin. Volume 3, Page 57

Harvard Law School Library

Bracton Online -- Latin

Volume 3, Page 57

Next

Go to Volume: Page:

Forma brevis de nova disseisina.

[002] REX vicecomiti salutem. Questus est nobis talis quod talis iniuste et
[003] sine iudicio disseisivit eum de libero tenemento suo in tali villa post
[004] ultimum reditum domini regis de Brittannia in Angliam. Et ideo tibi
[005] præcipimus quod si idem¹⁴ talis fecerit te securum de clamore suo prosequendo,
[006] tunc facias tenementum illud¹⁵ reseisiri de catallis quæ in ipso
[007] capta fuerunt¹⁶ et ipsum tenementum cum catallis esse in pace, usque ad
[008] primam assisam cum iustitiarii nostri in¹⁷ partes illas venerint. Et interim
[009] facias duodecim liberos et legales homines de visneto illo videre tenementum
[010] illud et nomina eorum imbreviari. Et summone eos per bonos
[011] summonitores quod sint ad præfatam assisam coram præfatis iustitiariis
[012] nostris parati inde facere recognitionem. Et pone per vadium et salvos
[013] plegios prædictum talem vel ballivum suum, si ipse inventus non fuerit,
[014] quod tunc sit ibi¹⁸ auditurus illam recognitionem. Et habeas ibi summonitores,
[015] nomina plegiorum et hoc breve. Teste etcetera. Facta autem
[016] taliter impetratione, secundum quod prædictum est, statim et sine mora
[017] tradatur breve vicecomiti, ne per negligentiam et minus diligentem prosecutionem
[018] efficiatur¹⁹ res non litigiosa quæ ab initio litigiosa fuit per
[019] diligentem impetrationem.

De officio vicecomitis cum acceperit breve.

[021] OFFICIUM vero²⁰ vicecomitis est cum breve receperit in principio plegios
[022] f.179b] de prosequendo recipere a querente, sive unus fuerit querens
[023] sive plures, nisi in curia domini regis forte plegios invenerint, vel fidem
[024] dederint pro pauperitate, secundum quod in brevi continebitur. Ab
[025] uno autem recipiat duos plegios ad minus qui sufficientes sint ad misericordiam
[026] domini regis solvendam, si querens forte se retraxerit vel non
[027] fuerit prosecutus, et tales etiam recipiat²¹ qui sufficiant ad misericordiam
[028] ita quod non oporteat se ipsum pro aliis de misericordia respondere.
[029] Si autem vir et uxor querentes fuerint, sufficit si illi duo duos plegios
[030] sufficientes inveniant, propter unicum ius quod habent et quia sunt
[031] una caro quamvis²² diversæ animæ, et una erit misericordia sive unus
[032] eorum vel²³ ambo se retrahant vel non sequantur, et quia defalta unius
[033] ipsorum in personam utriusque redundabit. Item erit ut videtur de pluribus
[034] unam disseisinam et iniuriam prosequentibus in communi cum sint
[035] quasi unum corpus, et ideo unica²⁴ sufficit securitas per duos plegios
[036] secundum quosdam, quia si onere satisdationum gravarentur, ita cogerentur

Notes

14. praedictus, OC, MG, LA, MC.

15. Om., OB, MA, MB, CM.

16. fuerint, OB, MA, MB, CM, MG.

17. ad, OA, OB, MA, CM.

18. Om., OA, CE.

19. efficitur, OB, MA, MB.

20. Om., OB, MB, CM.

21. recipiant, OB, MA, MB, CM, MG.

22. et, OB, MA, MB, CM; et quamvis, MG.

23. sive, MA, MB, CM; om., OB.

24. una, OB, MA, MB, CM.