Bracton: Thorne Edition: Latin. Volume 3, Page 411

Harvard Law School Library

Bracton Online -- Latin

Volume 3, Page 411

Next

Go to Volume: Page:

[001] fuerit, datum, venditum vel abductum et alibi ædificatum, et quidquid
[002] extra terram asportatum fuerit. Sed refert utrum magnum fuerit vel
[003] modicum secundum quod supra dictum est. Non autem debet ad vastum
[004] iudicari quod captum fuerit ad reparationem domorum utilem et⁷ necessariam,
[005] cum per hoc melioretur heredis condicio. Et si quid fiat consimile.

Si custos de vasto convincatur, quæ pœna sequatur.

[007] CUM autem custos vastum faciat in custodia sua et inde convincatur, nec⁸
[008] refert utrum ante prohibitionem vel post, talem pœnam incurret,⁹ scilicet
[009] imprimis amittet custodiam et in misericordia regis remanebit et damna
[010] restaurabit. Et quod ita sit inveniri poterit inter placita quæ sequuntur
[011] regem anno¹⁰ regni sui vicensimo¹¹ secundo¹⁵ comitatu¹³ Norhamtoniæ,¹⁴
[012] de Iohanne Daco et filia et herede Iohannis de Bray coram Iohanne de
[013] Lacy comite Lincolniæ et Willelmo de Ralegha.

Mortua muliere seisita de dote sua statim revertatur ad heredem et warantum de dote sua vel eum qui fuerit loco heredis.

[015] MORTUA muliere seisita de dote sua statim revertatur¹⁶ dos sua ad heredem
[016] proprietarium vel¹⁷ alium qui fuerit loco heredis, nisi forte heres
[017] dotem in vita mulieris alienaverit vel donationem fecerit vel venditionem
[018] de duabus partibus, et postea attornaverit emptori vel donatario servitium
[019] mulieris, et attornaverit eam quod sit intendens donatario vel
[020] emptori sicut waranto de dote sua. Quo casu si attornaverit se et servitium
[021] suum, sequetur¹⁸ dos et seisina sua post mortem ius et proprietatem
[022] quæ sunt in donatario vel emptore. Item non revertitur ad heredem,
[023] f.317b] ut supra dictum est in parte, dos post mortem mulieris ubi
[024] mulier dotem nominatam vel non nominatam recuperaverit versus heredem
[025] qui terram warantizavit¹⁹ versus mulierem, et mulier recuperaverit²⁰
[026] et heres nihil habeat de²¹ quo²² excambium facere poterit²³ ante mortem
[027] mulieris. Et ideo per iudicium revertetur dos ad donatarium vel emptorem
[028] et non ad heredem, propter ius merum quod ipsi habent.

Si heres donationem fecerit in vita mulieris et attornaverit mulierem donatario.

[030] SI autem cum heres donationem fecerit de duabus partibus et servitium
[031] uxoris attornaverit, et heres qui dedit et vendidit se intruserit in terram
[032] illam contra cartam et donum et factum proprium, consulitur emptori
[033] sive donatario per tale breve de ingressu. Rex vicecomiti salutem. Præcipe

Notes

7. Om., OB, MA, MB, MG.

8. non, V, MG.

9. incurratur, OB, MA, MB, MG.

13. Om., V, OC.

14. sic, LA; Northfolch., MC; om., V, OB, MB, CE, OC, Co.

10-14. Om., MG, CM.

11-15. Om., MA.

16. revertetur, OB, MA, MG; revertitur, OC, MB.

17. vel ad, V, CM, MG.

18. sequitur, OC; sequr., MB, CM.

19. warantizaverit, OB, MA, MB.

20. recuperavit, OC, MG.

23. possit, OC, CM, LA, MC.

21-22. unde, OB, MA, MB, MG.