Bracton: Thorne Edition: Latin. Volume 3, Page 397

Harvard Law School Library

Bracton Online -- Latin

Volume 3, Page 397

Next

Go to Volume: Page:

[001] multum disputandum utrum ante impetrationem vel post. Si autem talem
[002] in brevi non nominaverit et obiecta exceptione, dicat quod exceptio ei
[003] nocere non debeat quia nihil habet in tali villa licet in alia tali,⁴⁰ non
[004] valebit talis⁴¹ replicatio quia id quod dicitur, unde⁴² nihil habet, non debet
[005] f.312] referri ad villas sed ad dotem. Et unde non valet si dicat quod
[006] nihil habet in tali villa nisi ostendere poterit quod nihil habeat¹ nomine
[007] dotis ubicumque. Et cum mulier replicando negaverit quod nihil habuerit,²
[008] non iacebit defensio per legem sed veritas inquiratur per patriam de³
[009] replicatione mulieris.

De replicatione mulieris.

[011] ITEM replicare poterit quod si aliquid habuerit, nihil tamen habet nomine
[012] dotis sed alio modo sicut ratione custodiæ et huiusmodi. Et si opus fuerit
[013] inde fiat inquisitio in comitatu utrum⁴ dicitur aliquid nomine dotis recepisse
[014] sub iis verbis videlicet, si⁵ aliquid tenuerit nomine dotis de tenemento
[015] quod fuit talis viri sui, et si aliquid habuit⁶ et modo non habeat, quid inde
[016] fecit:⁷ et⁸ vicecomes mittat inquisitionem. Ut de termino Sanctæ Trinitatis
[017] anno regis Henrici quarto comitatu Norfolciæ, de Isolda quæ fuit
[018] uxor Willelmi.

Si terra de qua dotem petit concessa fuerit ad firmam et ad terminum.

[020] SI autem terra de qua mulier dotem petit data fuerit ad firmam et ad
[021] terminum annorum, cum mulier tertiam partem nomine dotis recuperaverit,
[022] per officium iudicis retinebit firmarius duas partes ultra terminum
[023] suum quousque inde perceperit⁹ ad valentiam illius tertiæ partis quam
[024] amisit.¹⁰ Ut de termino Sancti Michælis anno regis Henrici quarto decimo
[025] incipiente quinto decimo comitatu Suffolciæ et¹¹ Essexiæ, de Emma quæ
[026] fuit uxor Rogeri filii Swayni.¹² Et ad hoc facit de termino Sancti Michælis
[027] anno regis¹³Henrici¹⁴ nono incipiente decimo comitatu Norhamtoniæ de
[028] Margeria quæ fuit uxor Henrici de Nortona. Et in hoc casu semper
[029] oportet scire quantum valeat tertia pars per rationabilem extensionem.
[030] Et ita fiat¹⁵ nisi de tota terra illa nominatim dotata fuerit, quia tunc ipsa
[031] recuperabit totam terram illam ut dotem suam nominatam, et ipse firmarius
[032] si carta de termino dedici non possit recuperabit ad valentiam terræ
[033] petitæ de terra waranti usque ad terminum suum completum, et hoc per
[034] officium iudicis, et usque ad ætatem waranti si warantus fuerit infra
[035] ætatem, vel si plenæ ætatis donec deliberare possit terram quam mulier

Notes

40. tali villa, V, MG.

41. sua, OC, CM, MC, LA.

42. quod, OC, CM, LA.

1. habet, OC, CM.

2. habeat, OB, MA, MB, MG.

3. Om., OC, CM, LA, MC.

4. ubi, V, OC, CM, LA.

5. quod si, OB, MA, MB, MG.

6. habuerit, MSS. var.

7. fecerit, OB, MA, MB; om., MG.

8. Om., OB, MA, MB, MG, CE, Y.

9. receperit, OB, MA, MB; reciperet, MG.

10. amiserit, OB, MA, MB, MG.

11. Om., MSS. gen.

12. Swayn, Swan, Swerani, MSS. var.

13-14. Om., V, OC, CM, LA, MC.

15. fiet, MC, LA.