Bracton: Thorne Edition: Latin. Volume 3, Page 384

Harvard Law School Library

Bracton Online -- Latin

Volume 3, Page 384

Next

Go to Volume: Page:

[001] Agnete quæ fuit uxor Roberti de Actona³¹ quæ petiit dotem versus Isabellam
[002] quæ fuit uxor Aluredi³² de Berkynges. Et Isabella respondit quod non
[003] debuit inde dotem habere, sed bene concedit quod aliquando desponsata
[004] fuit eidem Roberto, sed postea per censuram ecclesiasticam partita fuit
[005] ab eo per³³ parentelam,³⁴ et facta partitione idem Robertus postea solemniter
[006] duxit in uxorem prædictam Isabellam sine clamio³⁵ vel contradictione
[007] ipsius Agnetis, et postea fuit cum prædicto Roberto viro suo usque ad
[008] mortem prædicti Roberti viri sui, et quod de ea obiit seisitus ut de uxore
[009] sua. Ad quod respondit prædicta Agnes quod numquam partita fuit de
[010] prædicto Roberto, et si ipsa Isabella ei desponsata fuit, hoc fuit iniuste.
[011] Et Agnes quæsita ubi moram fecit toto tempore Roberti quo Isabella fuit
[012] cum eo, dicit quod alibi vir suus eam posuerat et dum vir suus alibi moram
[013] f.307] fecit.³⁶ Postea mandatum fuit episcopo totum factum quod inde
[014] veritatem inquireret¹ et inquisitionem mandaret iustitiariis. Forma vero
[015] brevis de facienda inquisitione talis erit.

Breve ad hoc, scilicet de duabus uxoribus.

[017] REX tali episcopo salutem. Sciatis quod cum A. quæ fuit uxor B. in curia
[018] nostra etcetera peteret dotem suam versus C. de libero tenemento prædicti
[019] B. quondam viri sui in tali villa, D. de N. quæ similiter dotem suam
[020] petiit versus eundem C. sub nomine eiusdem B. obiecit eidem A. quod non
[021] debuit inde dotem habere quia non fuit eidem B. cuius nomine dotem
[022] petiit legitimo matrimonio copulata. Sed dicebat prædicta D. quod ipsa
[023] fuit uxor legitima ipsius B. et eidem B. legitime desponsata. Et quoniam
[024] huiusmodi cognitio ad forum spectat² ecclesiasticum, vobis mandamus
[025] quod convocatis coram vobis convocandis rei veritatem diligenter inquiratis
[026] et de matrimonio ita diligenter discutiatis, ut sciri possit quæ
[027] illarum sit³ uxor ipsius B. legitima et quæ illarum⁴ præferri debeat in dotis
[028] exactione. Et inquisitionem quam inde feceritis scire faciatis eisdem iustitiariis
[029] nostris per litteras vestras⁵ patentes. Et facta inquisitione mulieri
[030] contra quam lata fuerit sententia super petitione dotis illius⁶ perpetuum
[031] imponatur silentium, cum non sit post talem inquisitionem in foro ecclesiastico
[032] locus appellationi.⁷ Cum autem iustitiariis ad inquisitionem episcopi
[033] de veritate constiterit, resummoneatur tenens quod sit ad certum⁸
[034] diem eidem A. in petitione dotis responsurus. Quia cum contentio sit inter
[035] mulieres quæ sit uxor legitima, discusso inter eas quæ legitima sit, extunc
[036] procedat actio inter mulierem petentem et tenentem quæ mulier nihil

Notes

31. Hactona, MSS. var.

32. Alfredi, Albredi, Alure, MSS. var.

33-34. pro parentela, OC, CM.

35. sic, OB, OC, MA, Y, CE; clamore, V; clam., MSS. gen.

36. fecerit, OB, MA, MB, MG, CE, Y.

1. inquiret, V, MB, MG; requireret, MC.

2. pertinet, OB, MA, MB, MG, OC.

3-4. Om., OB, MA, MB, MG, CE, Y.

5. nostras, MSS. var.

6. ipsius, MC, LA, CM.

7. appellandi, OB, MA, MB, MG.

8. Om., OB, MA, MB, MG, CE, Y.