[001] incipiente septimo decimo comitatu Salopiæ, de quadam Emma quæ petiit [002] dotem. Et eodem modo cuiuslibet alterius cuius assensus requiritur. Et [003] si dos taliter constituta non restituatur, consulitur ei per tale breve: Rex [004] vicecomiti salutem. Præcipe A. quod iuste et sine dilatione reddat B. quæ [005] fuit uxor C. tantum terræ cum pertinentiis in tali villa unde idem C. [006] quondam vir suus et heres ipsius talis eam dotavit de voluntate prædicti [007] talis patris sui vel matris suæ vel huiusmodi quando eam desponsavit ad [008] ostium ecclesiæ, et unde nihil habet ut dicit, et unde queritur quod prædictus [009] A. ei deforciat. Et nisi fecerit et prædicta31 B. fecerit te securum etcetera [010] ut supra. Summonitus autem antequam comparuerit unicum habebit [011] essonium sicut superius, et de defalta et aliis fiat ut supra donec comparuerit. [012] Cum autem comparuerit, satis perpendere poterit qualiter mulier [013] proponere debeat intentionem32 ex præmissis. Et proposita intentione [014] oportet quod habeat probationem, sectam vel aliam ut supra probationem, [015] et ita33 fiat probatio hic sicut ibi. Sed si iuratores dubie respondeant in [016] parte et in parte dicant quod bene sciunt quod talis mulier desponsata [017] fuit, sed nesciunt si dotata fuit per assensum necne, non recuperabit nisi [018] ita sit forte quod vir suus seisinam habuerit de34 eadem terra35 aliquo [019] tempore in vita sua, quia tunc sufficit mulieri seisina viri quoad dotis [020] exactionem licet assensus parentum non valeat. Ut de termino Sancti [021] Hillarii anno regis Henrici tertio decimo in fine rotulo.
Si dotata fuit per assensum inquirendum.
[023] CUM vero contra mulierem excipiatur quod numquam dotata fuit per [024] assensum et voluntatem talis antecessoris, et mulier dicat quod sic, fiat [025] inquisitio per breve in hac forma: Rex vicecomiti salutem. Præcipimus tibi [026] quod diligenter inquiras qui interfuerunt ubi A. desponsavit B., et tam ex [027] illis quam ex aliis liberis et discretis hominibus de comitatu tuo venire facias [028] coram iustitiariis nostris tali die duodecim, ad recognoscendum si idem [029] A. die quo eandem B. desponsavit dotavit eam per assensum et voluntatem [030] talis vel non. Et de hac materia inveniri poterit in rotulo de termino [031] Sanctæ Trinitatis anno regis Henrici quarto comitatu Suffolciæ, de [032] quadam Alexandra.
Item competit exceptio heredi ex pluralitate mulierum dotem petentium.
[034] f.306] COMPETIT etiam tenenti heredi vel non heredi exceptio1 ex pluralitate [035] mulierum dotem petentium de morte unius viri, ut si duæ sint [036] petentes, excipere potest quod non debet duabus respondere non magis [037] ut videtur quam si duo unum implacitent de eadem terra, de tota vel de [038] aliqua eius parte, sive placitum sit super possessione sive super proprietate.
Volume 3, Page 381
Next