Bracton: Thorne Edition: Latin. Volume 3, Page 380

Harvard Law School Library

Bracton Online -- Latin

Volume 3, Page 380

Next

Go to Volume: Page:

[001] probari poterit, vel per collationem signorum vel per testes vel per
[002] patriam et aliis multis modis, ut supra de fide instrumentorum plenius.

Si de modo constitutionis dotis proferatur instrumentum.

[004] SED quid si instrumentum dicat quod alius a viro dotaverit uxorem? Non
[005] valebit talis constitutio nec dotis petitio propter verba contenta in intentione,
[006] et unde talis vir suus eam dotavit etcetera. Sed hoc verum est si
[007] tenementum illud¹² fuerit viri sui, secus si alienum. Ut si quis uxorem
[008] suam dotaverit ad ostium ecclesiæ de re patris vel matris vel alterius
[009] parentis vel amici quorum consensus erit requirendus. Ut si dicatur, et
[010] unde talis vir suus eam dotavit per assensum patris vel matris vel alterius¹³
[011] amici. Et unde incongrue conficitur instrumentum quod pater vel alius
[012] dotat¹⁴ uxorem filii. Sed si quis diligenter vim constitutionis prospexerit¹⁵
[013] non erit ibi incongruitas, quia ad hoc quod valeat constitutio dotis de re
[014] aliena oportet quod duo conveniant in constitutione, videlicet nominatio
[015] et consensus, quia neutrum illorum sufficit sine alio, quia si filius nominat
[016] et pater non consentit non valet sine consensu. Si autem filius non nominat
[017] licet pater consentiat, non valet consensus sine nominatione filii. Coniunctis
[018] igitur nominatione et consensu fit¹⁶ valida constitutio. Non est igitur
[019] instrumentum reprobandum¹⁷ quia uterque dotat, videlicet filius ex nominatione
[020] et pater ex consensu. Et si dotatio¹⁸ patris plene non sufficiat per
[021] se, valeat tamen ad consensum cum nominatione. Sed videndum si consensus
[022] fieri possit ante constitutionem dotis per litteras vel alio modo in
[023] f.305b] absentia consentientis, vel si in constitutione dicatur in absentia
[024] sua quod assenserit¹⁹ cum²⁰ non consenserit,²¹ et si valere debeat per²²
[025] ratihabitionem.²³ Videtur quod valeat facta relatione de consensu ad ostium
[026] ecclesiæ, quod valere non debeat cum absens non sit: si autem ad
[027] dotem, bene valet. Sed quia nominatio per se non valet nec²⁴ per se²⁵ sine
[028] consensu, nec alibi quam ad ostium ecclesiæ et personaliter, ita nec²⁶ valet
[029] consensus nisi personalis.²⁷

Si de consensu patris vel matris vel alterius amici dotata fuit.

[031] CUM de assensu²⁸ patris vel matris, parentis²⁹ vel alterius amici, posset³⁰
[032] filius dotare uxorem, videndum qualiter fiat huiusmodi dotis constitutio et
[033] cuius assensus fuerit requirendus. Et sciendum quod cuiuslibet de cuius
[034] assensu fuerit constituta, et tam de assensu et voluntate matris quam
[035] patris. Ut de termino Sancti Michælis anno regis Henrici sexto decimo

Notes

12. Om., OB, MA, MB, MG.

13. a. parentis vel, MC, LA.

14. Om., OB, MB, MG.

15. perspexerit, OB, CE, Y; inspexerit, MC, LA; porexerit, CM.

16. sit, MSS. var.

17. probandum, OC, MG.

18. donatio, V, OC.

19. consenserit, OC, CM; absenserit, MG.

20. vel, MG, CM.

21. consensit, MC, LA.

22-23. parati habitionem, OB, OC (habitationem).

24-25. Om., OB, MA, MB, Y, MG (om. sine consensu).

26. non, V, OC.

27. sic, OB, MB, MC; personal., MSS. gen.; personaliter, V.

28. consensu, OB, MB, OC, MG.

29. vel p., V, OB, MA, MB.

30. possit, V, OB, MA, MB; om., MG.