Bracton: Thorne Edition: Latin. Volume 3, Page 377

Harvard Law School Library

Bracton Online -- Latin

Volume 3, Page 377

Next

Go to Volume: Page:

[001] redditum fuit quod mulier dotem petere non potuit quia non fuit desponsata
[002] ad ostium ecclesiæ. Et in eisdem concordantiis reperitur quod inquisitio
[003] de huiusmodi facienda erit in curia regis⁵ et non in foro ecclesiastico.
[004] Et unde inquirendum est a muliere ubi et quando et in qua ecclesia fuit
[005] desponsata. Et de inquisitione facienda fiat tale breve.

Breve quod fiat inquisitio in comitatu per duodecim si ita fuit dotata ad ostium ecclesiæ.

[007] REX vicecomiti salutem. Præcipimus tibi quod venire facias coram te et
[008] coram⁶ custodibus placitorum coronæ nostræ in pleno comitatu duodecim
[009] tam milites quam alios liberos et legales homines de visneto tali, et per
[010] eorum sacramentum diligenter inquiras si A. de N. die quo desponsavit B.
[011] uxorem suam apud talem ecclesiam, dotavit eam de tanto⁷ terræ⁸ cum
[012] pertinentiis in tali villa solemniter et ad ostium ecclesiæ sicut prædicta B.
[013] dicit, vel si illam desponsavit in lecto suo mortali absque⁹ solemnitate, et
[014] ibi eam dotavit sicut prædictus talis dicit. Et inquisitionem quam inde
[015] feceris scire facias iustitiariis nostris per litteras etcetera, et per duos etcetera.
[016] Et ita poterit esse matrimonium legitimum quoad hereditatis successionem
[017] ubicumque contractum fuerit, dum tamen probatum, et illegitimum
[018] quoad dotis exactionem, nisi fuerit in facie ecclesiæ contractum et ibi
[019] dos constituta cum solemnitate, quæ tunc adhiberi possit tam tempore
[020] interdicti quam alio tempore. Cum autem vir dotem ad ostium ecclesiæ
[021] nominaverit ut prædictum est certam et nominatam, vel incertam et non
[022] nominatam, quæritur an vir postmodum mutare possit modum et constitutionem
[023] dotis dotem augendo vel minuendo. Et videtur quod non, quia¹⁰
[024] sicut nominata est ad ostium ecclesiæ vel non nominata, ita peti potest et
[025] non aliter, propter verba, et unde dotata fuit ad ostium ecclesiæ. Quia
[026] istæ dictiones¹¹ ut supra dictum est exprimi debent semper in petitione
[027] dotis, et quia inde oritur exceptio tenenti quod aliter dotata fuit ad ostium
[028] ecclesiæ.

Concedere potest tenens quod fuit desponsata sed matrimonium postea solutum.

[030] CONCEDERE etiam poterit tenens quod mulier fuit desponsata et ad ostium
[031] ecclesiæ dos constituta. Sed excipere potest quod postmodum fuit matrimonium
[032] solutum et divortium celebratum inter ipsam et virum suum
[033] propter consanguinitatem, compaternitatem vel aliam affinitatem, et
[034] quamdiu duravit matrimonium duravit dotis actio,¹² et eo deficiente deficit
[035] dotis petitio, quod si probatum fuerit etiam in curia regis amittit dotem.
[036] Poterit tamen replicare contra exceptionem illam quod si aliquando fuit
[037] matrimonium inter eos accusatum, numquam tamen fuit in vita viri sui

Notes

5. regia, LA; reg., MSS. gen.

6. Om., MC, LA.

7-8. tanta terra, OB, MA, MB.

9. absque aliqua, V, MC, LA; a. alia, OC, CM.

10. quod, OB, CE.

11. donationes, OC, MG.

12. exactio, V, MG.