Bracton: Thorne Edition: Latin. Volume 3, Page 361

Harvard Law School Library

Bracton Online -- Latin

Volume 3, Page 361

Next

Go to Volume: Page:

[001] recuperandam, quia ipse non est heres nec tenet ut heres, sed ut eschætam
[002] suam pro defectu heredis. Quod quidem dici non poterit de eschæta
[003] de bastardo, quia ibi est dominus capitalis loco heredis quantum ad
[004] dotem restituendam, quia si ibi sit heredis defectus, tamen non est ibi
[005] delictum.

f.298] Si warantus fuerit ad fidem regis Franciæ.

[007] ITEM si warantus fuerit ad fidem domini¹ regis Franciæ et excipiatur de
[008] waranto, remanebit dotis exactio² in suspenso imperpetuum vel ad tempus,
[009] saltem donec terræ fuerint communes. Et quod dotem habere non debeat,
[010] inveniri poterit de termino Sancti Hillarii anno regis Henrici septimo
[011] decimo comitatibus Lincolniæ et Norhamtoniæ, de Eudone de Calethorp,
[012] quia vir suus ad idem iudicabitur quantum ad duas partes licet ius habeat.
[013] Et sicut dominus capitalis haberi debet loco heredis et loco waranti ad
[014] quem terra revertitur pro defectu heredis, eodem modo habere debet
[015] assignatus per modum donationis. <Si mulier warantum habere non
[016] possit quia est in partibus transmarinis in Terra Sancta, expectanda erit
[017] in causa dotis donec veniat: ut de itinere Martini de Pateshilla in comitatu
[018] Eboraci anno regis Henrici tertio, de Matilda quæ fuit uxor Roberti de
[019] Hewarde et Alexandro filio Radulfi. Item si tenens sine waranto respondere
[020] noluerit, ita nec eius warantus eum warantizabit, quia habet illud
[021] idem remedium: ut de itinere Martini de Pateshilla in comitatu Lincolniæ
[022] anno regis tertio,³ de Dereina⁴ quæ fuit uxor Roberti Bretone.⁵>
[023] Cum autem huiusmodi exceptio proponatur contra mulierem, non⁶ erit
[024] omni tempore in potestate sua producendi heredem et warantum de dote
[025] sua, et ideo fiat ei breve in hac forma.

Breve de producendo heredem warantum de dote.

[027] REX vicecomiti salutem. Summone per bonos summonitores A. de N. quod
[028] sit coram iustitiariis etcetera, ad warantizandum B. quæ fuit uxor C.
[029] de N. dotem ipsius B. quam in eadem curia nostra⁷ etcetera, clamat versus
[030] D., et unde idem D. dicit quod non vult ei inde respondere sine waranto
[031] suo de dota sua. Et habeas ibi etcetera. Teste etcetera. Item notandum
[032] quod si aliquando competat domino capitali huiusmodi exceptio contra
[033] mulierem quod warantum ostendat de dote sua, non tamen competit ei cui
[034] ille dominus capitalis custodiam alicuius terræ dimiserit: ut de termino
[035] Sancti Michælis anno regis Henrici octavo incipiente nono comitatu Warrewickiæ,
[036] de Iohanne de Mar et Eva uxore eius et Willelmo de Cantelupo.⁸

Si alium producerit quam verum.

[038] CUM autem obiciatur huiusmodi exceptio mulieri, et contentio habeatur

Notes

1. Om., OC, MG, CM.

2. actio, MC, LA.

3. quarto, V.

4. Bertina, CM, MM.

5. Bryton, V.

6. si, LA, OC, CM (corr.).

7. n. coram, LA, MC.

8. Cantulupo (Canti-, Cante-), Cantolupe, Cantulapo, MSS. var.