Bracton: Thorne Edition: Latin. Volume 3, Page 353

Harvard Law School Library

Bracton Online -- Latin

Volume 3, Page 353

Next

Go to Volume: Page:

[001] et cum semel recuperaverit per assisam versus unum, si alii participes
[002] eundem postmodum disseisiverint de eodem, non erit assisa capienda
[003] super assisam sed sine assisa recuperabit per assisam præcedentem, quia
[004] omnes sunt quasi unica persona propter ius unum licet diversa capita. Et
[005] si assisa capta esset super assisam, ita et de eadem re et de eodem iure
[006] et quasi inter easdem personas dicere posset² secunda assisa contrarium
[007] primæ, et sic esset prima captio frivola sive nulla. Poterit tamen capi
[008] assisa post assisam et³ de eadem re sed tamen inter diversas personas,
[009] quia ratione diversarum personarum non erit actio una sed diversa, ut
[010] contingit sæpius in assisa novæ disseisinæ ubi plures disseisinæ factæ
[011] sint⁴ de eadem re cum ad plures manus devenerit⁵ per plures disseisinas.
[012] Ut si A. fecerit primam disseisinam et B. disseisiverit⁶ A. et C. disseisiverit
[013] B. et sic ulterius, ubi plures erunt disseisinæ et⁷ plures assisæ⁸
[014] propter diversas personas et plura⁹ facta quamvis de eadem re. Item capi
[015] poterit assisa super assisam inter easdem personas de eodem facto propter
[016] diversitatem rei, ut si quis fuerit disseisitus et per assisam recuperaverit,
[017] si occasione illius seisinæ plus occupaverit quam ad illum pertineat
[018] et quam recuperaret per assisam, post intervallum capi poterit assisa
[019] quia alia est res et ideo diversa assisa. Si autem inde fiat querela recenter
[020] locus erit certificationi per assisam et iuratores, ut¹⁰ sciatur quid et
[021] quantum ille qui recuperavit posuit in visu suo et quantum ei dederunt.
[022] Item capi poterit assisa post aliam inter easdem personas et de eadem
[023] re propter diversum factum, sed tamen post longum¹¹ intervallum, quia
[024] post primam disseisinam et ultimam medio tempore fieri poterit possessionis
[025] permutatio, et ille qui prius fuit disseisitor per¹² translationem fieri
[026] poterit verus¹³ possessor. Item inter easdem personas et de eadem re capi
[027] poterit assisa super assisam propter diversum modum disseisinæ, ut si
[028] quis primo omnino eiectus a possessione per assisam recuperaverit, et
[029] postea ab eodem post intervallum impeditus quo minus uti possit vel
[030] commode, per eundem capi poterit assisa super assisam propter diversum
[031] modum disseisinæ. Et eodem modo si primus disseisitor uti voluerit in
[032] tenemento quod tenens per assisam recuperavit,¹⁴ carucam imponendo
[033] contra voluntatem tenentis vel averia immittendo ad pasturam vel aliam
[034] servitutem imponendo tenemento quod liberum esse debet, de tali modo
[035] disseisinæ post intervallum capi poterit assisa super assisam. In assisa vero
[036] mortis antecessoris non est capienda assisa super assisam de eadem re
[037] inter easdem personas, licet bene possit inter diversas. Duo enim heredes

Notes

2. possit, MA, MB.

3. Om., V, MA, LA.

4. sunt, OC, CE, MA, MC, LA.

5. devenerint, V, MG, CM.

6. disseisivit, OB, MB, CE; disseisisset, MA.

7. et disseisitores et, V.

7-8. Om., OB, MA, MB.

9. plura placita, V.

10. dum, OB, MA, MB.

11. l. temporis, V; l. tempus et, MG.

12. post, OB, MA, MB, OC.

13. versus, OC, MG.

14. recuperaverit, V, MA, CM.