Bracton: Thorne Edition: Latin. Volume 3, Page 330

Harvard Law School Library

Bracton Online -- Latin

Volume 3, Page 330

Next

Go to Volume: Page:

[001] priorum, alia parochialis sicut ecclesiarum rectorum. Et ideo videndum
[002] quibus ex prædictis competat²⁷ assisa. Et sciendum quod tantum rectoribus
[003] ecclesiarum parochialium qui instituti sunt per episcopos et²⁸ ordinarios
[004] ut personæ. Item dici possunt rectores sicut²⁹ sunt canonici de ecclesiis
[005] præbendatis. Item dici possunt rectores³⁰ vel quasi abbates, priores et
[006] alii qui habent ecclesias in proprios usus. Et hoc intellegendum est tam
[007] f.286] de illis qui medietatem habent alicuius ecclesiæ quæ dividitur in
[008] duas partes ratione duorum feodorum et duorum patronorum, quia quilibet
[009] per se, si iura et res habeant separatas per se et sine alio, placitare
[010] poterit et implacitari. Si autem sit aliqua res quæ² sit³ vel esse debeat inter
[011] eos aliud erit. Ut de itinere Willelmi de Ralegha in comitatu Leycestriæ
[012] circa medium rotuli, et de termino Sanctæ Trinitatis anno regis Henrici
[013] quinto de Gerado de Huwelle et Ricardo rectore medietatis ecclesiæ de
[014] Claypol. Vicario autem numquam competit assisa per se. Sed refert qualiter
[015] quis sit vicarius, ut si quis aliquam parvam pensionem solverit annuatim⁴
[016] alicui domui religiosæ, sive hoc faciat nomine pensionis vel nomine
[017] simplicis beneficii, non propter hoc remanebit assisa in persona vicarii.
[018] Sed si hoc solvat privatæ personæ nomine pensionis, non competit⁵ assisa
[019] vicario sed personæ. Aliquando tamen competit assisa utrique tam vicario
[020] quam personæ simul: ut de ultimo⁶ itinere Martini de Pateshilla in comitatu
[021] Suffolciæ, assisa utrum una acra terræ. Item licet aliquando ecclesia
[022] divisa sit inter duos, sive bona habeant communia sive separata, dum
[023] tamen unicum habeant⁷ advocatum, nullus ipsorum sine alio placitare
[024] poterit vel implacitari. Ut de eodem itinere Martini de Pateshilla in
[025] comitatu Suffolciæ anno regis Henrici duodecimo de libertate Eliensi inter
[026] Thomam personam de Framesdune⁸ et Robertum filium Ailrici. Forma
[027] vero brevis talis est.

Forma brevis.

[029] REX vicecomiti salutem. Si talis persona talis⁹ ecclesiæ fecerit te securum
[030] etcetera, tunc summone per bonos summonitores duodecim liberos et
[031] legales homines de visneto tali quod sint coram iustitiariis nostris ad
[032] primam assisam etcetera, parati sacramento recognoscere utrum tantum
[033] terræ cum pertinentiis in tali villa sit libera elemosina pertinens ad ecclesiam
[034] ipsius talis de tali villa an laicum feodum talis. Et hoc si pro
[035] rectore. Si autem¹⁰ pro laico tunc sic: si talis laicus scilicet etcetera ut
[036] supra, utrum tantum terræ cum pertinentiis in tali villa sit laicum feodum

Notes

27. competit, V, MB, CM.

28. aut, Y, OB, MA, MB; ad, OA, CE.

29-30. Om., OA, CE, OB, MA, MB, Y.

2-3. Om., CE, OB, MA, MB, Y.

4. Om., OB, MA, MB.

5. competet, MC, LA.

6. Om., OC, MG.

7. habent, OC, MG.

8. Frammosdone, Framesdon., Frauneston., MSS. var.

9. Om., OA, CE, OB, MA, Y.

10. Om., OB, MA, MB.