Bracton: Thorne Edition: Latin. Volume 3, Page 329

Harvard Law School Library

Bracton Online -- Latin

Volume 3, Page 329

Next

Go to Volume: Page:

DE ASSISA UTRUM

De assisa ad recognoscendum utrum tenementum sit libera elemosina.

[003] f.285b] EST inter alias assisas quædam assisa quæ multum habet possessionis
[004] et iuris quia utrumque terminat, possessionem
[005] scilicet et ius, nec ulterius quæritur de iure post talem assisam sive faciat
[006] pro petente sive pro tenente, quamvis aliquando si iuratores male iuraverint
[007] agi possit de periurio et de convictione. <Inter eos inter quos capitur
[008] assisa. Ius autem aliorum qui maius ius habent non determinat, quia agi
[009] poterit iterum de iure mero, quamvis prius actum sit de iure simulato:
[010] sicut fuit coram rege apud Wodestoke de rectore ecclesiæ beatæ Mariæ
[011] Oxoniæ successore Willelmi Hardel, ut infra dicetur et ponetur casus.>
[012] Per assisam istam recognoscitur utrum tenementum de quo agitur laicum
[013] sit feodum tenentis vel libera elemosina pertinens ad ecclesiam alicuius
[014] rectoris, sive petens laicus sit sive clericus, quia in utriusque persona
[015] locum habere debeat, sicut primo fuit observatum tempore Martini de
[016] Pateshilla, et postea ab eodem prohibitum, et quod locum non haberet
[017] nisi tantum in persona rectoris cui¹⁷ nullum aliud competiit¹⁸ remedium
[018] nec breve nisi agere posset de seisina sua propria. Laico vero competere
[019] possent omnia alia remedia, breve de nova disseisina, mortis antecessoris,
[020] de ingressu et¹⁹ de recto.²⁰ Sed cum restringendæ sint²¹ lites potius quam
[021] laxandæ ut vitentur²² duella et magnæ assisæ et placitum maturius terminetur,
[022] obtinet hodie quod breve istud et assisa locum teneat in persona
[023] utriusque, tam laici quam rectoris, secundum quod olim fuit observatum.
[024] Ut de itinere abbatis de Radinge et Martini de Pateshilla in²³ comitatu²⁴
[025] Wigorniæ, assisa utrum²⁵ unum mesuagium: et quod locum non haberet
[026] postea nisi tantum in persona rectoris, secundum quod inveniri poterit
[027] in ultimo itinere Martini de Pateshilla anno regis Henrici duodecimo
[028] comitatu Suffolciæ de Roberto de Bedintona²⁶ et Willelmo de Valle, et ubi
[029] Robertus cognovit quod numquam fuit in seisina terræ petitæ. Et videndum
[030] est imprimis quibus rectoribus et quarum ecclesiarum et de quibus
[031] tenementis locum habeat assisa, et de qua libera elemosina. Quia ecclesiarum
[032] alia cathedralis sicut episcoporum, alia regularis sicut abbatum et

Notes

17. cum, OB, MA, MB.

18. competit, V, MG, CM.

21. sunt, V, MA, CM, MC.

19-20. Om., OA, CE, OB, MA, MB, Y.

22. videtur, OB, MA, MB; videntur, MG.

23. Om., MA.

23-24. Om., OB, MB.

25. Om., OB, MA, MB.

26. Bedigton., Benigton., Betington., MSS. var.