Bracton: Thorne Edition: Latin. Volume 3, Page 328

Harvard Law School Library

Bracton Online -- Latin

Volume 3, Page 328

Next

Go to Volume: Page:

[001] pertinentem ad³ tenementum suum de⁴ tali villa, et de qua prædictus talis
[002] antecessor suus fuit seisitus ut de feodo die quo obiit ut dicitur. Et idem
[003] dici poterit de quolibet rectore et de⁵ quolibet successore. Et habeas ibi
[004] etcetera. Teste etcetera.

Si damna veniant in iudicium in assisa mortis antecessoris.

[006] CUM autem petens per assisam recuperaverit, videndum erit an⁶ damna
[007] veniant in iudicium in assisa mortis antecessoris. Re vera hucusque venire
[008] non consueverunt, sed ad reprimendam⁷ malitiam capitalium dominorum
[009] bonum est quod veniant propter vastum et destructionem. Sed videndum
[010] utrum dominus capitalis vastum fecerit et destructionem vel alius qui se
[011] intruserit, vel titulum habuerit et warantum. Si autem dominus capitalis,
[012] tunc refert utrum tempore quo tenens suus et heres fuerit infra ætatem in⁸
[013] custodia sua, vel plenæ ætatis cum dominus⁹ se in seisinam posuerit ut¹⁰
[014] habeat primam seisinam. Si autem talis¹¹ fuerit infra ætatem et sit¹² aliquis
[015] parens vel amicus qui de vasto sequatur pro minore, et de vasto constiterit
[016] per inquisitionem vel per visum, dominus vastum emendabit sic quod
[017] damna restituet sive vastum fecerit ante prohibitionem sive post, et custodiam
[018] amittet per iudicium ad minus ea vice. Ut inter placita quæ sequebantur
[019] regem coram Willelmo de Ralegha comitatu¹³ Huntingdoniæ de
[020] Iohanne Daco et filia Radulfi de Bray. Si autem heres¹⁴ sit plenæ ætatis et
[021] in seisina et dominus capitalis se ponat in seisinam cum eo ratione primæ
[022] seisinæ, si tunc faciat vastum et destructionem, competit heredi assisa
[023] novæ disseisinæ licet a tenemento non expellatur, saltem ut pacem habeat
[024] et libere teneat, recuperare poterit per assisam cum restitutione damnorum.
[025] Simplex enim seisina conceditur domino ut ad dominum recognoscatur,
[026] et nullum vastum nec destructio. Si autem capitalis dominus vacuam
[027] invenerit possessionem, et cum se posuerit in seisinam verum heredem non
[028] cognoscat ad heredem per malitiam ut destructionis et vasti faciendi
[029] liberiorem habeat facultatem, si vastum fecerit, et heres sibi¹⁵ per assisam
[030] perquisiverit, dominus capitalis damna restituet cum ipsa re, cum magis
[031] delinquat quam si vastum faceret¹⁶ dum heres esset infra ætatem. Si
[032] autem capitalis dominus cum in seisina fuerit nomine heredis aliquo
[033] prædictorum modorum alium feoffaverit, sive heres sibi perquisiverit per
[034] assisam novæ disseisinæ vel mortis antecessoris, semper venient damna in
[035] restitutionem cum ipsa re prædictis rationibus.

Notes

3. ad liberum, MC, LA, MG.

4. in, LA, MC.

5. Om., LA, MC.

6. si, LA, MC.

7. reprimendum, MSS. var.

8. et in, MC, LA, OC, CM.

9. d. suus, V, OC, MG.

10. et, LA, MG.

11. ille, OC, MG; non dum, V; dum, CM; om. LA.

12. sic, LA, MG.

13. in c., LA, MC, CM, MG.

14. Om., OB, MA, MB, CM.

15. Om., OB, MA, MB.

16. fecerit, V, OC, MG.