Bracton: Thorne Edition: Latin. Volume 3, Page 327

Harvard Law School Library

Bracton Online -- Latin

Volume 3, Page 327

Next

Go to Volume: Page:

Forma brevis de rectore.

[002] REX vicecomiti salutem. Præcipe A. quod iuste et sine dilatione permittat
[003] B. rectorem talis ecclesiæ habere communam pasturæ²² suæ²³ in terra sua
[004] de tali villa, de qua B.²⁴ prædecessor suus quondam rector eiusdem ecclesiæ
[005] fuit seisitus tamquam pertinente ad ecclesiam suam talem die quo obiit ut
[006] dicit. Et nisi fecerit, summone etcetera ut supra. Illud²⁵ idem breve locum
[007] habere posset ut videtur in personis omnium aliorum qui petere possunt
[008] terras, tenementa et iura nomine ecclesiæ suæ, de²⁶ quibus prædecessores
[009] sui obierint seisiti ut de iure ecclesiæ suæ,²⁷ ut archiepiscopi, episcopi,
[010] abbates, priores, canonici de ecclesiis præbendatis et alii ecclesiarum
[011] rectores, nec scio rationem quare non cum ubique sit eadem ratio. Ad diem
[012] vero summonitionis poterit se deforcians essoniare si voluerit. Si autem
[013] defaltam fecerit secundum quosdam procedendum erit propter defaltam,
[014] ut capiatur pastura in manum domini regis ac si actio esset realis, quod
[015] quidem esse non deberet ut videtur cum actio potius sit personalis quam
[016] realis, et ita potius locum habeat attachiamentum quam captio. Sed sive
[017] sic sive sic, qualiter procedi debeat inferius satis apparebit. Sed qualitercumque
[018] procedatur per hoc breve non pervenitur ad causam proprietatis,
[019] cum tantum²⁸ locum habeat in causa possessionis, sicut superius videri
[020] poterit paulo ante. Et ad hoc breve responderi poterit multipliciter sicut
[021] ad assisam mortis antecessoris, et terminari poterit per iuratam et inquisitionem
[022] secundum proposita et obiecta. Est etiam²⁹ aliud breve formatum
[023] ad querelam quod aliquantulum et in parte sapit naturam brevis mortis
[024] antecessoris et³⁰ in parte novæ disseisinæ, et quod extra comitatum terminari
[025] poterit sine præiudicio communis libertatis, quod tale est.

Aliud breve formatum quod sapit naturam mortis antecessoris et in parte novæ disseisinæ.

[027] SI A. filius B. fecerit te securum etcetera, tunc summone per bonos summonitores
[028] C. quod sit etcetera ad ostendendum quo waranto se tenet in
[029] tanta terra cum pertinentiis in tali villa quam prædictus B. pater ipsius A.
[030] cuius heres ipse est in curia nostra etcetera, nuper recuperavit versus
[031] eundem C. per assisam novæ disseisinæ inde ibi inter eos captam, et de qua
[032] f.285] prædictus B. fuit seisitus ut de feodo die quo obiit, ut dicitur. Et
[033] illud idem esse¹ poterit de communa pasturæ sic: ad ostendendum quare
[034] non permittit talem habere communam pasturæ suæ in terra sua de² tali
[035] villa, quam talis antecessor suus cuius heres ipse est nuper in curia nostra
[036] etcetera, recuperavit versus talem per assisam novæ disseisinæ tamquam

Notes

22-23. pasturam suam, OB, MA, MB.

24. sic, MSS. gen.

25. istud, MC, LA.

26-27. Om., OA, CE, OB, MA, MB, Y.

28. tamen, OA, LA, CM.

29. autem, MC, LA; et, OB, MA, MB, Y, CE; in, MG.

30. et breve, OC, MG.

1. dici, OB, MA, MB.

2. in, MC, LA, OC.