Bracton: Thorne Edition: Latin. Volume 3, Page 325

Harvard Law School Library

Bracton Online -- Latin

Volume 3, Page 325

Next

Go to Volume: Page:

[001] breve de recto sicut potest breve de ingressu in breve de recto vel e converso.²¹
[002] Ut si dicat petens per breve de consanguinitate in narratione
[003] descensus, et unde talis antecessor suus obiit seisitus in dominico suo ut de
[004] feodo, et postea adiciat, et de iure. Videtur et verum est quod sic transeat
[005] de possessione in proprietatem, per hoc enim quod dicit quod talis obiit
[006] seisitus in dominico suo ut de feodo deducit in iudicium totum ius possessionis.
[007] Et de hoc quod addit et²² de iure, deducit in iudicium ius proprietatis,
[008] et sic per consequens duo iura, possessionis videlicet et proprietatis,
[009] scilicet ius duplicatum quod dicitur dreit dreit. Sed quia breve de
[010] consanguinitate nihil determinare potest nisi ius possessorium, et petens in
[011] narratione sua ulterius procedit ad ius merum ad quod consanguinitas se
[012] non extendit non magis quam assisa mortis antecessoris, per hoc recedit de
[013] brevi suo et cadit breve, et non erit recurrendum postea nisi ad breve de
[014] recto. Numquam enim vertitur causa possessionis in causam proprietatis
[015] per narrationem ex parte petentis ut hic, nec e converso. Poterit enim quis
[016] habere liberum tenementum sine usu et expletiis. Et unde si quis eiectus
[017] f.284] fuerit de tali seisina et¹ per assisam novæ disseisinæ petat restitui,
[018] nihil aliud dicit in intentione sua nisi quod disseisitus est de libero tenemento
[019] suo. Eodem modo si seisinam petat antecessoris per assisam mortis,²
[020] nihil aliud dicet³ nisi quod antecessor suus fuit seisitus in dominico suo ut
[021] de feodo die quo obiit. Et unde si mentionem faceret de expletiis captis et
[022] de iure mero, sic dicendo ad assisam novæ disseisinæ, de libero tenemento
[023] meo unde fui seisitus ut de libero tenemento ut de iure capiendo expletia ad
[024] valentiam etcetera, vel in assisa mortis antecessoris sic dicendo, in dominico
[025] suo ut de feodo et iure capiendo expletia ad⁴ valentiam⁵ etcetera, sic caderet
[026] breve propter ius merum ut supra dictum est. Et unde videtur manifeste
[027] quod ius possessorium stare possit sine usu et expletiis, quæ tamen⁶ si
[028] intervenerint prodesse poterunt et non nocere cum præbeant vestimenta
[029] possessioni et ius possessorium declarent. Et vice versa breve de recto
[030] numquam vertitur per narrationem ad breve prædictum super possessione.
[031] In hoc enim proprietas et possessio nihil habent commune. Si quis enim
[032] semel cum effectu agere inceperit per breve de recto super ipso iure,
[033] numquam redire poterit ad aliquam⁷ actionem super ipsa possessione, vel
[034] si in narratione sua aliquem articulum omittat qui locum habeat super
[035] ipso iure, ut si dicat tantum in narratione sua, et unde talis antecessor fuit
[036] seisitus in dominico, vel si loquatur de seisina propria et dicat, et unde
[037] seisitus fui⁸ ut de libero tenemento vel in dominico ut de feodo, nisi mentionem

Notes

21. sic, CE; contrario, OC; cono., MSS. gen.

22. Om., MA, MB, CM.

1. Om., OC, CE, MA, CM.

2. m. antecessoris, MC, LA, CM.

3. dicit, V, OC, MG, CM.

4-5. Om., OB, MA, MB.

6. tantum, OC, MG.

7. aliam, MSS. var.

8. fuit, MC, LA.