Bracton: Thorne Edition: Latin. Volume 3, Page 318

Harvard Law School Library

Bracton Online -- Latin

Volume 3, Page 318

Next

Go to Volume: Page:

DE CONSANGUINITATE

De consanguinitate.

[003] f.281]CUM assisa mortis antecessoris infra certos gradus limitetur, et
[004] locum habeat de morte certarum personarum versus certas
[005] personas et ulterius non extenditur, ne semper ad ipsum ius per breve de
[006] recto recurratur de seisina quæ probari possit de proprio visu et auditu
[007] alicuius, in subsidium assisæ mortis antecessoris provisum est quoddam¹
[008] breve quod² dicitur breve³ de consanguinitate, ut causam possessionis
[009] determinet⁴ in gradibus et personis ad quos assisa se non extendit, de⁵
[010] omnibus de quibus antecessor obiit seisitus ut de feodo et non ut de mero
[011] iure, quia hic non agit nisi tantum de possessione,⁶ ad evitandum dubium
[012] eventum duelli et⁷ magnæ assisæ per breve de recto, quatenus tempus
[013] assisæ mortis antecessoris permiserit. Et cum loco mortis antecessoris
[014] accipi⁸ debeat et teneri de seisina antecessoris, merito sequi debet⁹ in
[015] magna parte naturam illius assisæ cuius loco sumitur, scilicet in tempore,
[016] ut tempus sive terminum assisæ non excedat. Item in personis ut¹⁰ locum
[017] habeat breve de consanguinitate extra terminos assisæ inter easdem personas,
[018] sive maiores sint sive minores, inter quas locum habet assisa infra
[019] suos terminos et non inter alias, sicut inter coniunctas personas ut prædictum
[020] est, ascendendo ab avo usque ad tritavum et ulterius si tempus
[021] permittat, qui omnes sic ascendendo recte¹¹ dici poterunt antecessores ad
[022] modum assisæ mortis antecessoris, vel descendendo a nepote usque ad
[023] trinepotem et ulterius si tempus permiserit, qui omnes recte dici poterunt¹²
[024] consanguinei, nisi si qui dicat¹³ quod omnes sunt consanguinei tam ascendentes
[025] quam descendentes. Nec obstare debet quod quidam dicunt quod
[026] per tale breve quod incipit per præcipe amittunt curiam suam domini
[027] curiarum, quod est et esse poterit contra communem libertatem ut dicunt.
[028] Sed re vera non est ita quod petentes¹⁴ propter seisinam¹⁵ antecessorum
[029] semper teneantur¹⁶ adire curiam dominorum, quia si cui plures competant
[030] actiones unam illarum quam voluerit eligere poterit et ea experiri. Poterit
[031] enim quis habere assisam novæ disseisinæ et mortis antecessoris et breve de

Notes

1. quod, OC, MG.

2-3. Om., MA, MC, LA.

4. terminet, V, OC, MG.

5-6. Om., OC, MG, CM, LA.

7. vel, OB, MA, MB.

8. capi, LA, MC.

9. debeat, OC, MG; om., OA, CE.

10. Om., OC, MG.

11. Om., OB, MA, MB.

12. possunt, OC, MG, LA, MC.

13. dicit, LA, MC.

14. petens, MA, MB, OC.

15. assisam, OA, CE, OB, MA, MB, Y, Co.

16. teneatur, OC, MG, MA, MB.