Bracton: Thorne Edition: Latin. Volume 3, Page 293

Harvard Law School Library

Bracton Online -- Latin

Volume 3, Page 293

Next

Go to Volume: Page:

[001] tali et heredi vel filiæ sicut sequelæ suæ assisa mortis antecessoris³ de
[002] tenemento de quo pater sic obiit seisitus ut de feodo. Filio⁴ vero alicuius⁵
[003] vel filiæ villani sub potestate domini sui sine manumissione in villenagio
[004] manenti, si perquisitum fecerit extra villenagium nullum habebit heredem
[005] nisi dominum suum, dum tamen in vita villani in manum suam ceperit
[006] illud tenementum vel post mortem. Item si soror contra sororem petat
[007] per assisam tenementum quod descendat a communi stipite, excipi poterit
[008] a sorore tenente quod assisa non iacet propter paritatem iuris, cum quælibet
[009] illarum quoad seisinam et quoad ius sit heres propinquior, et ideo
[010] quod agi oporteat⁶ de iure per breve de proparte. Item si duæ sorores
[011] petant simul per assisam quarum una sit legitima et altera bastarda, et
[012] cum iuratores hoc testati fuerint et quod una illarum ante sponsalia nata
[013] fuit⁷ et alia post, nihilominus procedet assisa et utraque per assisam
[014] recuperabit salvo iure cuiuslibet in posterum, et ita quod soror legitima
[015] cum voluerit et ad ætatem pervenerit agat contra sororem per breve de
[016] recto, et opponat bastardiam sorori tenenti replicando. Ut de itinere
[017] Martini de Pateshilla in comitatu Suffolciæ, assisa mortis antecessoris⁸
[018] de quadam Mabilia et Iohanna. Illud etiam dici poterit ut videtur de
[019] villano participe cum liberis, quia eadem ratio et idem ius. <Secundum
[020] quod in comitatu Cornubiæ observatur de consuetudine quæ talis est,
[021] quod si liber homo ducat nativam aliquam in uxorem ad liberum tenementum
[022] et liberum torum, si ex eis duæ procreantur filiæ una erit libera
[023] et alia villana, quia ibi partiti sunt pueri inter liberum patrem et dominum
[024] uxoris villanæ, sed in hoc casu videtur quod ita debeat observari ut
[025] supra.> Item potest tenens respondere heredi petenti per assisam et
[026] concedere quod heres sit, sed seisinam habere non possit ante tempus:
[027] ut de itinere Willelmi de Ralegha in comitatu Bukinghamiæ, assisa mortis
[028] antecessoris,⁹ si Alicia. Ad quod replicari poterit a petente quod tenementum
[029] illud retinere non poterit per legem Angliæ quia prolem non habuit
[030] cum uxore, et si pueros habuit, convicti sunt ad bastardos. Item si pueri
[031] mortui sint¹⁰ in utero vel nati monstruosi. Item si concedatur quod talis
[032] obiit seisitus ut de feodo, tamen heredes nihil capere potuerunt¹¹ per
[033] assisam, quia antecessore mortuo tenens quod prius tenuit ad terminum
[034] statim¹² ex conventione et pacto incontinenti apposito incepit possidere
[035] ad vitam vel in feodo. Et unde si heres inceperit per assisam petere,
[036] obstat¹³ ei imperpetuum vel ad tempus exceptio conventionis, quia statim
[037] f.271b] et sine mora in morte ipsius antecessoris sine tempore vel aliqua

Notes

3. antecessorum, OA, CE.

4. filii, V; filius, MG; illo, OC.

5. Om., V, MA.

6. non o., OB, MA, MB.

7. fuerit, OC, MG, OB, MA, MB, Y.

8. antecessorum, OA, CE, LA.

9. Om., OA, OB, CE.

10. sunt, OA, CE, OC, MG, CM.

11. possunt, LA, MC.

12. Om., OB, MA, MB.

13. obstabit, OC, MG; obstabitur, LA, MC.