Bracton: Thorne Edition: Latin. Volume 3, Page 292

Harvard Law School Library

Bracton Online -- Latin

Volume 3, Page 292

Next

Go to Volume: Page:

[001] quædam breve perimunt et quædam assisam. Si autem breve perimant
[002] propter errorem, tunc fiat ut supra de aliis assisis. Videndum est igitur
[003] quando et per quas exceptiones cadat³⁴ assisa imprimis. Et sciendum
[004] quod respondere poterit tenens et excipere quod licet omnes articuli
[005] supra dicti in brevi contenti veri sint, tamen ille qui nunc petit ut heres
[006] propinquior non habet actionem per assisam quia alius heres propinquior
[007] ante ipsum petentem intercedens, et qui antecessorem communem de
[008] cuius morte nunc petens profert assisam supervixit licet seisinam non
[009] haberet, totum ius suum in possessione et in proprietate quod ei descendit,
[010] vel descendere potuit, remisit et quietum clamavit prædicto tali tenenti:
[011] et inde³⁵ habeat probationem, cartam vel assisam. Ad quod habeat petens
[012] si possit replicationem.³⁶ Item potest tenens³⁷ excipere et respondere quod
[013] sine domino rege non debet respondere quia terram illam tenet de dono
[014] domini regis ut in seriantia, vel ut de eschæta sua vel alio modo, quo casu
[015] requirenda erit voluntas ipsius domini regis. Item eodem modo si de alio
[016] teneat quam de domino rege, si confirmationem habeat ipsius domini
[017] regis, dum tamen per talem confirmationem teneretur dominus rex ad
[018] excambium, sine eo non respondebit. Si³⁸ autem non teneatur ad excambium
[019] sine eo respondebit.³⁹ Item dicere potest et excipere quod terram
[020] illam tenet de dono alicuius post mortem talis antecessoris sicut alicuius
[021] fratris ipsius petentis antenati. Si replicetur quod donare non potuit,
[022] triplicetur quod pater eorum communis dedit, et licet donum non valeret
[023] quasi imperfectum, quia talis antecessor donator seisitus obiit, ille frater
[024] antenatus licet seisinam non haberet illud donum patris sui confirmavit,
[025] f.271] et quod ab initio invalidum fuit quia imperfectum, per confirmationem
[026] validum fecit et perfectum quia confirmatio supplevit defectum.
[027] Item respondere poterit quod terram illam tenet de dono antecessoris de
[028] cuius morte petens profert assisam. Quo casu si replicetur quod in vita
[029] talis numquam seisinam habuit, triplicari poterit a tenente quod ille
[030] petens donum patris vel alterius antecessoris, licet non plenum vel non
[031] perfectum, tamen sicut aliquod et inceptum confirmavit. Item respondere
[032] poterit quod pater petentis per assisam villanus fuit, et ideo quod heres
[033] esse non possit.¹ Ad quod si replicetur a petente quod licet talis antecessor
[034] suus villanus esset, tamen liberatus fuit a villenagio cum tota sequela sua
[035] quocumque modo liberationis, et cum patri vel alteri antecessori suo
[036] competeret assisa novæ disseisinæ si a tenemento² illo disseisitus esset
[037] et per assisam recuperare posset, eadem ratione competere deberet filio

Notes

34. cadit, OC, MA, CM.

35. unde, OB, MA, MB, CE, Y.

36. r. Item respondere poterit quod ille de cuius morte profert assisam vivus sit, OB, MA, MB, Y.

37. t. si possit, LA, MC.

38-39. Om., MA, MB, MG, CE.

1. potuit, OC, MG.

2. tenente, LA, CM; ten., OC, MA, MC, MG.