Bracton: Thorne Edition: Latin. Volume 3, Page 287

Harvard Law School Library

Bracton Online -- Latin

Volume 3, Page 287

Next

Go to Volume: Page:

[001] gratia: quidam A. scilicet²⁹ tradidit quandam terram B. in vadium quousque
[002] idem A. redderet eidem B. centum marcas sub tali condicione adiecta,
[003] quod nisi idem A. redderet ei illas centum quod terra remaneret prædicto
[004] B., nulla facta mentione de heredibus ipsius A. Moritur A. pecunia non
[005] soluta: heredes ipsius A. petunt per assisam: creditor obicit conventionem.
[006] Et quia prædictus A. non solvit in vita sua et obligatio personalis fuit,
[007] nec³⁰ extenditur ad heredes licet parati sint solvere, remanebit terra
[008] creditori et heredibus suis. Idem erit si obligatio personalis fuerit quantum
[009] ad creditorem nulla facta mentione de heredibus creditoris. Item
[010] poterit tenementum dari ad firmam creditori sub tali condicione et³¹ ad
[011] terminum annorum, quod si contingat debitorem mori infra terminum
[012] quod tenementum remaneat creditori in feodo vel ad vitam, et tenebit
[013] conventio. Item vice versa, si tenementum detur in feodo vel ad vitam
[014] et sic convenerit quod si creditor moriatur infra certum terminum et³²
[015] quod id quod fuit in feodo vel ad vitam remaneat ad terminum vel in
[016] feodo alicui alteri, bene tenet conventio. Et si prima facie debitor moriatur
[017] vel creditor vel uterque, locum habeat assisa mortis antecessoris³³
[018] f.269] quia debitor quodam modo moritur seisitus ut de feodo. Tamen
[019] eliditur assisa per exceptionem conventionis, ut si heres debitoris pro¹ se
[020] habeat assisam in modum assisæ seisina² ei concessa, creditor vel eius
[021] heredes habebunt contra assisam exceptionem conventionis in modum
[022] iuratæ, in quam quidem si petens per assisam se ponere noluerit,³ denegabitur
[023] et actio et assisa: et si tenens exceptionem conventionis a se propositam
[024] per iuratam vel alio modo probare noluerit,⁴ sic seisinam amittet
[025] quia indefensus remanebit. Si autem creditor in primo casu ante diem
[026] solutionis moriatur vel debitor vel uterque, remanebit assisa in suspenso
[027] usque ad diem solutionis, quo elapso aut procedet assisa secundum quod
[028] solutio facta fuerit vel non, aut⁵ remanebit per exceptionem conventionis
[029] elisa. Item si sic detur tenementum ad firmam et⁶ ad terminum sub tali
[030] condicioni, quod si infra terminum illum contingat debitorem mori quod
[031] remaneat tenementum creditori ad vitam vel in feodo, vel vice versa si
[032] contingat creditorem⁷ mori infra certum terminum quod id⁸ quod datum
[033] fuit in feodo remaneat heredi creditoris ad vitam, vel id quod datum fuit
[034] creditori ad vitam remaneat ei vel heredi suo ad terminum, bene valebit
[035] condicio non obstante assisa, opposita exceptione⁹ conventionis et probata
[036] ut supra. Item excipi poterit quod licet talis obiit seisitus ut de feodo,

Notes

29. Om., MB, MG, CM.

30. non, CM; et non, OC; quod non, MG.

31. Om., OC, MG, CM.

32. Om., OB, MA, MB, CE, Y.

33. antecessorum, OA, CE, LA.

1. per, OC, MG, CM.

2. et s., V, CM.

3. voluerit, V, MSS. var.

4. voluerit, V, MSS. var.

5. vel, MA, MB, Y, CE; om., OB.

6. vel, OB, MA, MB, CM.

7. debitorem, OC, MG.

8. illud, MA, MB.

9. sic, OB, MA, MB, Y; exceptioni (-onem), MSS. gen.