Bracton: Thorne Edition: Latin. Volume 3, Page 284

Harvard Law School Library

Bracton Online -- Latin

Volume 3, Page 284

Next

Go to Volume: Page:

[001] remotiores ex linea transversali venientes cum nepos vel neptis fuerint in¹¹
[002] possessione,¹² verum etiam excludunt eorundem¹³ pronepotes et proneptes
[003] et omnes alios ex illis descendentes. Cum autem¹⁴ avunculus prius fuerit
[004] in possessione hereditatis per intrusionem vel alio modo, et nepos petat
[005] versus eum de seisina patris vel descensu avi, locum non habebit assisa
[006] sed¹⁵ tantum breve de recto, per quod si compertum fuerit¹⁶ per narrationem
[007] quod nepos heres fuerit propinquior et iustior propter iuris prærogativam,
[008] tamen nihil capiat per iudicium propter casum regis qui hucusque
[009] se habuit in contrarium, et remanebit semper¹⁷ iudicium in suspenso
[010] donec contentio si partes voluerint per concordiam terminetur. Et unde
[011] videndum¹⁸ si nepos et avunculus sub eadem potestate antecessoris simul
[012] fuerint astrarii tempore mortis, eo quod ambo reperiuntur in atrio sive
[013] in astro. Et quo casu cum videatur quod uterque habeat liberum tenementum
[014] statim cum quilibet eorum sit rectus heres et propinquus, tamen¹⁹
[015] ille præferri debet qui secum habet iuris et proprietatis prærogativam et
[016] rectæ lineæ quæ excludit transversalem, scilicet nepos, quia in persona
[017] eius coniungitur ius et proprietas cum seisina, quod quidem non est in
[018] persona avunculi quia²⁰ non habet nisi tantum ea quæ sunt possessionis
[019] et non iuris. Et unde si per nepotem eiciatur non recuperabit per assisam
[020] novæ disseisinæ, tum propter iuris prærogativam in nepote, tum quia
[021] vacuam seisinam non habuit.²¹ Si autem avunculus nepotem, nepos per
[022] assisam recuperabit. Et illud idem erit si nepos in seisina extiterit tempore
[023] mortis et avunculus cum extra fuerit nepotem eiecerit. Et vice versa si
[024] avunculus in seisina tempore mortis et nepos extra et avunculum eiecerit,
[025] avunculus per assisam recuperabit si diu in pacifica seisina extiterit, et
[026] alias non ut infra, salvo tamen nepoti iure suo super proprietate. Si autem
[027] ambo fuerint extra tempore mortis antecessoris et sic neuter astrarius, et
[028] tunc aut est possessio vacua vel dominus capitalis, rex vel alius, extitit
[029] in possessione. Si autem vacua, tunc refert quis eorum se prius posuerit
[030] in seisinam. Si autem nepos, statim habet liberum tenementum ratione
[031] supra dicta, et si fuerit eiectus per avunculum recuperabit per assisam.
[032] Si autem avunculus se prius posuerit in seisinam et per nepotem statim
[033] eiectus et recenter, per assisam non recuperabit versus nepotem licet
[034] versus alios. Sed si tempus habuerit²² per negligentiam nepotis vel impotentiam,
[035] cum seisina sua substantiam capiat ex tempore, si per nepotem
[036] fuerit eiectus per assisam recuperabit quia sine iudicio eicitur²³ quamvis
[037] iuste. Si autem seisina vacua non fuerit cum capitalis dominus extiterit
[038] in seisina, sine voluntate ipsius²⁴ se ponat in seisinam. Refert igitur quis

Notes

11-12. Om., OC, MG.

13. eorum, OC, MG.

14. Om., OB, MA, MB, Y.

15-16. Om., OB, MA, MB.

17. Om., OA, CE, Y, MA, MB; per, OB.

18. v. est, LA, MC.

19. cum, MSS. var.

20. qui, OC, MG, CM, MC, LA.

21. habuerit, V, OB, OC.

22. habuit, MC, LA.

23. eiciatur, OC, CE.

24. eius, OC, MG.